საქართველოში 12 წლის ბავშვს კორონავირუსი დაუდგინდა

საქართველოში კორონავირუსით ბავშვის დაინფიცირების პირველი შემთხვევა დაფიქსირდა. ამის შესახებ ინფორმაცია "ინტერპრესნიუსს" ინფექციური საავადმყოფოს დირექტორმა თენგიზ ცერცვაძემ განუცხადა. კორონავირუსით ინფიცირებული ბავშვი, სავარაუდოდ, 12 წლის.

მისივე თქმით, ბავშვი ინფექციურ საავადმყოფოში იმ ჯგუფის წევრებთან ერთად შეიყვანეს, რომლებიც თვითიზოლაციაში იმყოფებოდნენ და რომლებსაც ვირუსი განმეორებითი ტესტის შედეგად დღეს დაუდასტურდა.

ცნობისთვის, საქართველოში კორონავირუსის შემთხვევები 23-მდე გაიზარდა. stopcov.gov.ge-ზე გამოქვეყნებული ინფორმაციის თანახმად, კარანტინის რეჟიმში - 126 იმყოფება, ხოლო სტაციონარში მეთვალყურეობის ქვეშ - 46.