საქართველო-რუსეთის მორაგბეები მაყურებლის გარეშე ითამაშებენ - რაგბის კავშირის განცხადება
კორონავირუსის გავრცელების თავიდან აცილების მიზნით, რაგბის კავშირმა მიიღო გადაწყვეტილება, რომ 14 მარტს საქართველოსა და რუსეთის მატჩი მაყურებლის გარეშე გაიმართოს. ამის შესახებ რაგბის კავშირი განცხადებას "ფეისბუქის" ოფიციალურ გვერდზე ავრცელებს:
"ძვირფასო მეგობრებო, ქვეყანაში შექმნილი ვითარებიდან გამომდინარე, ჩვენ ყოველდღიური კონსულტაციები გვაქვს როგორც, საქართველოს მთავრობასთან, ასევე დაავადებათა კონტროლის ეროვნულ ცენტრთან.
არსებული მდგომარეობის გათვალისწინებით, მივიღეთ გადაწყვეტილება, რომ 14 მარტს, საქართველოსა და რუსეთის მატჩი გაიმართოს მაყურებლის გარეშე.
ყველამ, ვინც უკვე შეიძინეთ მატჩზე დასასწრები ბილეთები, გთხოვთ მიმართოთ TKT.GE-ს თანხის დასაბრუნებლად.
კიდევ ერთხელ გიხდით ბოდიშს შქემნილი მდგომარეობის გამო და დიდ მადლობას გულშემატკივრობისთვის #რაგბიჩვენითამაშია ", - ნათქვამია განცხადებაში.
მართვის მოწმობის მისაღები თეორიული და პრაქტიკული გამოცდები დროებით უქმდება
დარჩით სახლში და გაუფრთხილდით თავს!
