უფასო მიტანის სერვისი – „ბიბლუსი“ საქართველოს ყველა რეგიონის მაცხოვრებლებს წიგნებს უფასოდ მიუტანს

წიგნის მაღაზიათა ქსელი „ბიბლუსი“ წიგნების უფასოდ მიტანის სერვისზე გადავიდა.

კომპანიის გადაწყვეტილებით, საქართველოს ყველა რეგიონში, ნებისმიერი, მათ შორის, თვითიზოლაციაში მყოფი პირი, „ბიბლუსის“ ვებ-გვერდიდან Biblusi.ge-დან სასურველი წიგნის, საკანცელარიო ნივთების, სათამაშოების თუ კრაფტის გამოწერის შემთხვევაში, მიტანის სერვისის საფასურს არ გადაიხდის.

კომპანიის განცხადებით, უფასო მიტანის სერვისი გაგრძელდება იქამდე, სანამ ქვეყანაში კორონავირუსთან დაკავშირებით ზომების მიღება იქნება საჭირო.

იმისათვის, რომ „ბიბლუსის“ ახალი სერვისით თითოეულმა დაინტერესებულმა მოქალაქემ შეძლოს სარგებლობა, კომპანიამ ვებ-გვერდზე ფასდაკლებები და განსაკუთრებული შეთავაზებები წარმოადგინა. ამასთან, განახლდა როგორც წიგნები, ისე საკანცელარიო და სხვა პროდუქციის ჩამონათვალი.