რესპუბლიკურის დირექტორი - დღეს ხუთ პაციენტს ჩაუტარდა კორონავირუსზე ტესტი, მათგან ორის პასუხი ნეგატიურია

რესპუბლიკური საავადმყოფოს დირექტორის, ლევან გოფოძის ინფორმაციით, კლინიკაში მოთავსებულ 5 პაციენტს კორონავირუსზე ტესტი ჩაუტარდა, მათგან ორის პასუხი მიიღეს და ორივე ნეგატიურია.

როგორც გოფოძემ ჟურნალისტებს განუცხადა, დანარჩენი სამის პასუხი გვიან ღამით, ან ხვალ დილით იქნება ცნობილი.

„დღეს ხუთ პაციენტს ჩაუტარდა ტესტირება, მათგან ორის პასუხი უკვე გვაქვს და საბედნიეროდ, ორივეს ნეგატიურია. სამის პასუხები ან გვიან ღამით, ან დილით იქნება ცნობილი. ამ რეჟიმში, ჩვენი პაციენტების მდგომარეობა დამაკმაყოფილებელია. მიდის მათზე მონიტორინგი, დაკვირვება და სიმპტომური მკურნალობა, როგორც ეს არის რეკომენდირებული“, - განაცხადა გოფოძემ.