საქართველოს დროშა ქრისტეს ქანდაკებაზე - ბრაზილიის მხარდაჭერა ქვეყნებს, რომლებიც კორონავირუსს ებრძვიან

ბრაზილიაში, რიო დე ჟანეიროში ქრისტეს ქანდაკება იმ ქვეყნების დროშებით გაანათეს, რომლებიც კორონავირუსს ებრძვიან.

დროშებს შორის საქართველოს დროშასაც შენიშნავთ. ჩვენი ქვეყნის დროშა ქანდაკების მარჯვენა მხარზეა.

როგორც ოფიციალური პირები ამბობენ, ასეთი ჟესტით სურდათ მხარდაჭერა გამოეხატათ იმ ქვეყნებისთვის, რომლებიც ვირუსს ებრძვიან და ეჩვენებინათ, რომ ამ ბრძოლაში ყველა ერთადაა.

ასევე ამით უნდოდათ ვირუსით გარდაცვლილთა მიმართაც პატივისცემა გამოეხატათ.

ბოლო მონაცემებით, კორონავირუსი მსოფლიოს 176 ქვეყანაში გამოვლინდა. გლობალური მასშტაბით ვირუსით 221 890 ადამიანი დაინფიცირდა, 8999 პაციენტი გარდაიცვალა, ხოლო 85 790 ადამიანი გამოჯანმრთელდა.

რაც შეეხება უშუალოდ ბრაზილიას, კორონავირუსით ქვეყანაში 529 ადამიანი დაინფიცირდა გარდაიცვალა 4 ადამიანი და ჯერჯერობით მხოლოდ 2 პაციენტია გამოჯანმრთელებული.