მედია - რუსეთში კორონავირუსის ვაქცინის გამოცდა დაიწყეს
რუსეთის სანიტარულმა სამსახურმა „როსპოტრებნადზორმა“ ახალი კორონავირუსის საწინააღმდეგო ვაცქინის გამოცდა დიწყო, - ამის შესახებ ინფორმაციას რუსული მედია ავრცელებს.
“COVID-19 ეპიდემიის თავიდან ასაცილებლად და კონტროლის მიზნით, “როსპოტრებნადზორის” ვირუსოლოგიისა და ბიოტექნოლოგიის სახელმწიფო კვლევის ცენტრმა სწრაფად შეიმუშავა ვაქცინების პროტოტიპები, რომლებიც ექვს სხვადასხვა ტექნოლოგიურ პლატფორმაზეა დაფუძნებული,” - აღნიშნულია „როსპოტრებნადზორის“ მიერ გავრცელებულ განცხადებაში.
მათივე ინფორმაციით, ექსპერტებმა შეძლეს ვაქცინების შექმნა გრიპის ფართოდ გამოყენებული რეკომბინანტური ვირუსული ვექტორების საფუძველზე.
„ამ ეტაპზე აუცილებელია, ვაქცინის მგრძნობიარე ლაბორატორიულ ცხოველებზე გამოცდა,“ - აცხადებენ „როსპოტრებნადზორში.“
მათი განმარტებით, აღიშნული ტესტების მიზანია ვაქცინის ყველაზე ეფექტური დოზის, სიხშირისა და გამოყენების მეთოდების განსაზღვრა.
შეგახსენებთ, ოფიციალური ინფორმაციით, ამ დროისთვის რუსეთში კორონავირუსის 199 შემთხვევაა დადასტურებული და გარდაცვლილია 1 პაციენტი.
იტალიელმა მღვდელმა მრევლის ფოტოები დაბეჭდა, ცარიელ ტაძარში განალაგა და მესა ასე ჩაატარა - "მარტო მსახურება დამთრგუნველი იყო"
კათოლიკური ბზობა და რომის პაპი წმინდა პეტრეს ცარიელ ტაძარში (ფოტოები)