ავტორი:

შინაური ცხოველები და კორონავირუსი - რა უნდა გაითვალისწინოთ, თუ ოთხფეხა მეგობრები გყავთ

შინაური ცხოველები და კორონავირუსი - რა უნდა გაითვალისწინოთ, თუ ოთხფეხა მეგობრები გყავთ

28 თებერვალს ჰონგ-კონგში ადამიანისგან შინაური ცხოველის კორონავირუსით ინფიცირების ფაქტი დაფიქსირდა. შემთხვევის შესწავლა დაიწყო როგორც ადგილობრივმა ხელისუფლებამ, ისე ჯანდაცვის მსოფლიო ორგანიზაციამაც.

ჯანმო-ს დასკვნით, კორონავირუსის გავრცელებისას შინაური ცხოველები საფრთხეს არ წარმოადგენენ და ჯერჯერობით, არც ერთი მეცნიერული კვლევა არ ადასტურებს, გადადის თუ არა COVID-19 ძაღლებზე ან კატებზე, ან პირიქით ისინი არიან თუ არა გადამტანები.

საკითხი უამრავ ადამიანს აინტერესებს, რომელთაც სახლში ოთხფეხა მეგობრები ჰყავს, ამიტომ AMBEBI.GE-მ კითხვებით ვეტერინარ მარიამ ჩხიკვიშვილს მიმართა:

- ჰონგ-კონგში აღნიშნული ფაქტი არ დადასტურდა. იმ ძაღლს კლინიკური სურათიც არ გამოვლენია. ადამიანის კორონავირუსისგან განხვავებით, ის კორონავირუსი, რაც ცხოველებს ემართებათ და რაც სახეობრივია, ისედაც არსებობდა მათში და ნაწლავური ფორმით მიმდინარეობს და არა ზედა სასუნთქი სისტემის ფორმით. ამიტომ, ამ ორ დაავადებას საერთო არაფერი აქვს.

იმ კვლევის დროს ჩათვალეს, რომ ვირუსი მოხვდა ძაღლის ლორწოვან გარსებზე, რადგანაც დაავადებულ პატრონთან ჰქონდა შეხება და სხვა არაფერი.

კორონავირუსი ცხოველებში, კატებში და ძაღლებში, როგორც აღვნიშნე, აქამდეც არსებობდა ათწლეულების განმავლობაში. ეს დაავადება ვლინდებოდა და ამ სახეობებში, ჩემი ღრმა რწმენით, კიდევ ბევრი წელი გამოვლინდება, თუმცა აღსანიშნავია, რომ:

  • არანაირი მსგავსება ადამიანის კორონავირუსთან (იგულისხმება სიმპტომები) აღნიშნულ ვირუსს ცხოველებში არ აქვს;
  • ის ფაქტი, რომ WHO დაადგინა ვირუსის ზოონოზური (ადამიანისა და ცხოველის საერთო დაავადება) ხასიათი, არ გულისხმობს ავტომატურად ძაღლი-კატის ყოლის, ან მათთან კონტაქტის შემთხვევაში საფრთხეს, ვინაიდან აღნიშნულ ორგანიზაციას ჯერ არ დაუდგენია თუ რომელი ცხოველიდან მოხდა ვირუსის სახეცვლა და ადამიანზე გავრცელება;
  • ავტომატურად ყველა ცხოველი არ არის ამ ვირუსის მატარებელი, არც ქუჩის და არც სახლში მცხოვრები, მეტიც, აღნიშნული დაავადება მათში საკმაოდ იშვიათად გვხვდება, მიმდინარეობს ნაწლავური ფორმით და არ გააჩნია ფილტვისმიერი ფორმა;
  • გაცილებით ხშირად გვხვდება ცხოველებში პარვოვირუსული ენტერიტი, რომელიც იგივე ოჯახის ვირუსებს მიეკუთნება, ვიდრე კორონავირუსი, რომელიც წარმატებით ინკურნება ცხოველებში და არანაირი საფრთხის შემცველი არ არის

- ჩვენს მოსახლეობაში ამ თემის ირგვლივ გავრცელებული პანიკა რას უკავშირდება და როგორ უნდა მოიქცნენ ძაღლების, კატების პატრონები?

- რა ინფორმაციასაც ვისმენდი და რაც სამინისტროებმაც გაავრცელეს, რომ ადამიანები ცხოველებს და განსაკუთრებით, ქუჩის ცხოველებს უნდა ერიდონ, არასწორი იყო. ეს ინფორმაცია საფუძველს აბსოლუტურად მოკლებულია (ცნობისთვის, ჯანდაცვის მსოფლიო ორგანიზაციის რეკომენდაციებშია ქუჩაში ცხოველებთან დაუცველი კონტაქტისგან თავის არიდება, ავტ).

არსებობს ევროპის ვეტერინარული ასოციაციის მიერ გავრცელებული პროტოკოლი, როგორ უნდა აარიდოს ადამიანმა თავი ვირუსს, როგორ გაუფრთხილეს გარემოებას მათი ცხოველების კონდიციის გათვალისწინებით. რა ფორმით უნდა დაგეგმოს ღონისძიებები, თუნდაც ძაღლთან და კატასთან ურთიერთობისას.

ასე რომ, ცხოველებთან დაკავშირებით ამ ეტაპზე პანიკის საფუძველი ნამდვილად არ არსებობს!"

თუმცა აუცილებელია, ჩვენი ოთხფეხა მეგობრების უსაფრთხოებასა და ჯანმრთელობაზე მაინც ვიზრუნოთ და რამდენიმე რჩევა ამისთვის:

  • შინაური ცხოველი გასეირნებისას აარიდეთ კონტაქტს სხვა ცხოველებთან
  • სახლში დაბრუნებისას საგულდაგულოდ გაუწმინდეთ თათები და ჩამორეცხეთ ბეწვი
  • გაასტერილეთ ის ზედაპირები, რომელზეც თქვენი ცხოველი ხშირად ჯდება
  • გაწმინდეთ მათი სათამაშო ანტისეპტიკური საშუალებით
  • გაასტერილეთ მათი საკვების ჯამი ხელთათმანების გამოყენებით
  • თუ თავად გაქვთ ვირუსის სიმპტომი, გაიკეთეთ ნიღაბი
  • მოერიდეთ ცხოველის მიერ თქვენს ალოკვას ან პირის შეხებას კანზე

LIVE: გადაცემა "სპორტალი" - სტუმრები: ფარიკაობის ფედერაციის პრეზიდენტი მერაბ ბაზაძე და მოფარიკავე სანდრო ბაზაძე

როგორ უნდა მოიქცეთ, თუ კორონავირუსის სიმპტომები აქვთ - ჯანდაცვის მინისტრის რეკომენდაცია

"3 ადამიანი, რომელთაც კორონავირუსი ახლახან დაუდასტურდა, ერთი ოჯახის წევრები არიან და მათი მოგზაურობის ისტორია აშშ-ს უკავშირდება"