როგორ უნდა მოიქცეთ, თუ კორონავირუსის სიმპტომები აქვთ - ჯანდაცვის მინისტრის რეკომენდაცია
"თუ თქვენ თვლით, რომ გაქვთ საეჭვო სიმპტომები და გაქვთ ეჭვი, რომ შეიძლება გქონდეთ კორონავირუსი, პირველ რიგში, გამოიყენეთ ჩვენი ცხელი ხაზი - 15 05", - ამის შესახებ ჯანდაცვის მინისტრმა ეკატერინე ტიკარაძემ დღეს გამართულ ბრიფინგზე მოსახლეობას მოუწოდა.
მისივე თქმით, ყოველივე ამის შემდეგ სპეციალისტები დაუკავშირდებიან კონკრეტულ ინდივიდს და მიიღებენ გადაწყვეტილებას თუ როგორ მოხდება მისი ტრანსპორტირება ამა თუ იმ საავადმყოფოში და რა მეთოდები იქნება საჭირო იმისათვის, რომ მისი ჯანმრთელობა იყოს დაცული.
„მინდა მნიშვნელოვანი ინფორმაცია გაგაცნოთ და ასევე მოგიწოდოთ ყველას, რომ თუ თქვენ თვლით, რომ გაქვთ საეჭვო სიმპტომები და გაქვთ ეჭვი, რომ შეიძლება გქონდეთ კორონავირუსი, პირველ რიგში, გამოიყენოთ ჩენი ცხელი ხაზი, ვინაიდან ყველაზე მნიშვნელოვანი ამ ეტაპზე არის მოხდეს ზუსტი დიაგნოსტიკა ჩვენი ეპიდემიოლოგების მხრიდან არის თუ არა ეს კავშირი საეჭვო და საჭიროებს თუ არა ჰოსპიტალიზაციას.
ყოველივე ამის შემდეგ ჩვენი სპეციალისტები დაგიკავშირდებიან და მიიღებენ გადაწყვეტილებას თუ როგორ მოხდება თქვენი ტრანსპორტირება ამა თუ იმ საავადმყოფოში და რა მეთოდები არის საჭირო იმისათვის, რომ თქვენი ჯანმრთელობა იყოს დაცული და ასევე იყოს დაცული ჩვენი იმ პერსონალის ჯანმრთელობა, რომლებიც ყოველდღიურად, 24 საათის რეჟიმში ზრუნავენ თქვენს ჯანმრთელობაზე“, - განაცხადა ეკატერინე ტიკარაძემ.
ჯანდაცვის სამინისტროს ცხელი ხაზია - 15 05
ვახტანგ გომელაურის მადლობა მოქალაქეებს, მედიას და სახელმწიფო უწყებებს
"მე და ანას შვილები არ გვყავს, მაგრამ ბედნიერი ოჯახი გვაქვს..." - თენგიზ ცერცვაძე მეუღლეზე, კარიერასა და უცნაურ ჰობზე
