ავტორი:

შს მინისტრი ბოლო დღეებში გაწეული შრომისთვის პოლიციელებს მადლობას უხდის

შს მინისტრი ბოლო დღეებში გაწეული შრომისთვის პოლიციელებს მადლობას უხდის

ბოლო ორი კვირის განმავლობაში, სასაზღვრო კონტროლის მიმართულებით სამართალდამცველების მიერ გაწეული მუშაობა უმძიმესი იყო, - ამის შესახებ შინაგან საქმეთა მინისტრმა, ვახტანგ გომელაურმა „ქრონიკის“ პირდაპირ ეთერში ისაუბრა და ამ პროცესებში ჩართულ პოლიციის ყველა თანამშრომელს მადლობა გადაუხადა.

"მინდა, ჩვენს თანამშრომლებს, პოლიციელებს, ყველას დიდი მადლობა გადავუხადო. მართლა ძალიან დიდი შრომა ჩადეს ამ 2 კვირის განმავლობაში. თქვენ იცით, თუ რა პრობლემები იყო, ძალიან ბევრი რეისი სრულდებოდა. მით უმეტეს, პირველი 2-3 დღის განმავლობაში ძალიან გაგვიჭირდა, თუმცა ყველაფერს გავართვით თავი. დღეს დაკეტილია საზღვრები მთლიანად.

სახმელეთო საზღვარზე შემოდიან მხოლოდ ჩვენი მოქალაქეები და გამონაკლისი დაიშვება მაშინ, თუ დიპლომატიური მისიით მოემგზავრება სხვა ქვეყნის მოქალაქე. გამონაკლისი დაიშვება იმ შემთხვევაშიც, თუ პირი საქართველოს მოქალაქის ოჯახის წევრია - მეუღლე, შვილი, დედა და ა.შ. მისი ქვეყანაში შემოშვების საკითხს განვიხილავთ, რა თქმა უნდა, შემოწმების შემდეგ“, - განაცხადა ვახტანგ გომელაურმა.

მთავრობა Georgian Airways-ის მიერ საქართველოს მოქალაქეების ჩამოყვანისთვის დაგეგმილ ჩარტერულ რეისებს არ დაასუბსიდირებს

"აირზენას" დირექტორი ელოდება, რაც უფრო მეტ ფულს გადაუხდიან! პირადად ჩემგან გადაეცით..." - გიორგი გახარია

მარნეულსა და ბოლნისში კარანტინი გამოცხადდა