შესაძლოა, ზეგისთვის 5 ახალი გამოჯანმრთელებული დაგვემატოს - მარინა ენდელაძე

კორონავირუსით ინფიცირებული ორი პაციენტის პირველადი ტესტის შედეგები უარყოფითია. ამის შესახებ ინფექციური საავადმყოფოს ბოქსირებული განყოფილების ხელძღვანელმა, მარინე ენდელაძემ განაცხადა.

• მარინა ენდელაძე - კორონავირუსით ინფიცირებული 4 ახალი პაციენტი აშშ-იდან ჩამოვიდა, მათ შორის ერთი 15 წლის ბავშვია
• "ამჟამად ჩვენთან არსებული პაციენტებიდან ორი არის ძალიან მძიმე" - მარინა ენდელაძე

მისი ინფორმაციით, გაგზავნილია კიდევ სამი პაციენტის პირველადი ანალიზი.

„დაგეგილია განმეორებითი ტესტირება, დღეს გაგზავნილია სამი. ველოდებით პასუხებს, ასევე ორზე, პირველადი კვლევით მივიღეთ უარყოფითი. ხვალ გავაგზავნით, ანუ შესაძლოა, ზეგისთვის 5 ახალი გამოჯანმრთელებული დაგვემატოს“,- განაცხადა ენდელაძემ.

ცნობისთვის, საქართველოში კორონავირუსით ინფიცირებული სულ 8 პაციენტია გამოჯანმრთელებული. დაინფიცირების დადასტურებული შემთხვევების რაოდენობა კი 61-მდე გაიზარდა.