ავტორი:

"გარდაბანში არ იციან, რომ ვირუსია გავრცელებული... ვინც იგებს, პოლიტიკის ნაწილი ჰგონია" - როგორ ცდილობს აზერბაიჯანელი გოგონა კორონავირუსის შესახებ ადგილობრივების ინფორმირებას

"გარდაბანში არ იციან, რომ ვირუსია გავრცელებული... ვინც იგებს, პოლიტიკის ნაწილი ჰგონია" - როგორ ცდილობს აზერბაიჯანელი გოგონა კორონავირუსის შესახებ ადგილობრივების ინფორმირებას

რაც პაციენტ 54-თან, მარნეუელელ 62 წლის ქალბატონთან დაკავშირებით მოხდა, როგორც ამბობენ, ყველაფერი, დიდწილად იქაური მოსახლეობის არაინფორმირებულობის ბრალია. ადგილობრივმა მოსახლეობამ არ იცის ქართული ენა და შესაბამისად, თვალყურს არ ადევნებს ქართული ტელეარხების მუშაობს. ამასვე ამბობს სემა სადიკი აზერბაიჯანელი გოგონა, რომელიც გარდაბნიდანაა, ადგილიდან, რომელიც ასევე აზარებაიჯანელებითაა უმეტესად დასახლებული.

სემა 20 წლის არის და თსუ-ის მეორეკურსელია, ამასთან, ორგანიზაცია „სალამის“ გამგეობის წევრი, კაპიტნის მოადგილე, რომლის საუბრიდანაც ვიგებთ, რომ მათ რაიონშიც, აზერბაიჯანული მოსახლეობიდან თითქმის არავინ იცის ქართული და ჭირს მათთვის ნებისმიერი ინფორმაციის მიწოდება.

„ახალი კორონავირუსის გავრცელების პერიოდში მძიმე მდგომარეობაშია ჩენი ქვეყანა და როგორც უკვე ვიცით, ბოლნისი და მარნეული რთულ ვითარებაში აღმოჩნდა - ამ რეგიონებში კარანტინი გამოცხადდა. ყველაფერი ისევ იმ პრობლემის ბრალია, რაზეც უკვე მოგახსენეთ, იქ ეთნიკური უმცირესობა, კერძოდ, აზერბაიჯანული თემი, ამ ვირუსის შესახებ ინფორმაციას დიდად არ ფლობს. არადა, როგორც იცით, კორონავირუსის შესახებ ინფორმაცია არის ქართულად. ამიტომ, „ჩელენჯი“ წამოვიწყეთ, მოსახლეობას, ეთნიკურ უმცირესობას, ჩვენს ხალხს, საკუთარ ენაზე მივაწოდოთ ინფორმაცია. მართალია, ახლა თბილისში ვცხოვრობ, მაგრამ გარდაბნის რაიონიდან ვარ და იქაც, როგორც მარნეულში და ბოლნისში, თავიდან, როგორც საჭიროა, ყურადღებას არ აქცევდნენ ახალი კორონას შესახებ გავრცელებულ ცნობებს. მაგალითად, დღესაც, გარდაბანში ისე დადის ხალხი, ვითომც არაფერი ხდება ქვეყანაში და, მით უმეტეს, მსოფლიოში. არ იცან, რომ საშინელი ვირუსია გავრცელებული და ყველაფრისგან თავი უნდა შეიკავონ, ისხდნენ სახლში.

- ამ ადამიანებთან კარდაკარ დადიხართ?

- არა, კარდაკარ სიარული ახლა სახიფათოა, ამ ყველაფერს რომ თავი დავანებოთ, სპეციალური ეკიპირებაა საჭირო, რაც არ გვაქვს. ვრეკავთ ტელეფონით, ვიყენებთ "ვოთსაფს", სოციალურ ქსელს. მათ შვილებს, შვილიშვილებს ვესაუბრებით, ვწერთ, რომ მიაწოდონ უფროს თაობას ინფორმაცია. ამასთან, რეგიონებში არის არსამთავრობო ორგანიზაციებიც და მათთანაც ვთანამშრომლობთ, ვცდილობთ, მოსახლეობის ინფორმირება მათი საშუალებითაც მოხდეს.

- ამდენი ხანია ტელევიზიით მხოლოდ ამ ვირუსზეა საუბარი და ნუთუ ეს ადამიანები ამ ყველაფერს არ უყურებდნენ, არ უსმენდნენ?

- ტელევიზორს კი რთავენ, მაგრამ ვიმეორებ, ქართულ გადაცემებს ვერ უყურებენ, ენა არ ესმით. საინფორმაციოები კი ქართულად არის. სამწუხაროდ, ძირითადი პრობლემა ეს არის, ამიტომ, გვინდა, მივეხმაროთ, ავუხსნათ, გავაგებინოთ, რომ სერიოზული სიტუაციაა და იყვნენ სახლში, დაიცვან ჰიგიენის წესები, რასაც ექიმები გვთხოვენ. ჩვენი „ჩელენჯის“ მიზანი ესაა.

- მათი პირველი რეაქცია რა არის, ანუ ადამიანების, ვინც არ ცდილობს, ინფორმირებული იყოს და თან, ქართულიც არ იცის.

- უმრავესობის პასუხი ის არის, რომ ეს პოლიტიკის ნაწილია - არასერიოზულად მიიჩნევენ, თუმცა ყველანი ვხედავთ, თუ რა საშინელ ამბავთან გვაქვს საქმე.

- კარანტინია გამოცხადებული ორ რეგიონში, იმედია, გარდაბანშიც მიხვდებიან, რომ წესების არშესრულება სარისკოა და ყველა ნორმა, რაც გათვალისწინებულია ამ სიტუაციაში, უნდა შეასრულოს ყველა მოქალაქემ - დიდმაც და პატარამაც.

- დიახ, ახლა ჩვენი წამოწყებაც ამისკენაა მიმართული, რომ ყველამ ერთად ვიმოქმედოთ ამ ვირუსის წინააღმდეგ. ამ თემაზე 3-4 ვიდეოს გადაღებასაც ვაპირებთ.

რუსთაველის თეატრმა ბესო ზანგური ყველა როლიდან მოხსნა - "ეს გაგდებაზე უარესია… გაიხარეთ"

შესაძლოა, "სინოფარმს" 60 წლამდე ასაკობრივ ჯგუფში მიენიჭოს უპირატესობა - რა გადაწყვეტილებაზე საუბრობს თამარ გაბუნია

მწერალი დათო ტურაშვილი "ფაიზერის" ვაქცინით აიცრა