მე -13 გამოჯანმრთელებულმა პაციენტმა ინფექციური საავადმყოფო დატოვა

თბილისის ინფექციური საავადმყოფოს კლინიკური დირექტორის მარინა ეზუგბაიას განმარტებით, კლინიკა დღეს მეცამეტე გამოჯანმრთელებულმა პაციენტმაც დატოვა.

მისივე თქმით, გამოჯანმრთელებული პაციენტები 2 კვირის განმავლობაში თვითიზოლაციაში დარჩებიან.

"ჩემთვის სასიამოვნოა, გითხრათ რომ დილის შემსდეგ სიტუაცია არ შეცვლილა. კორონავირუსის დადასტურებული შემთხვევაც ჯერჯერობით იგივეა და არის 81 დადასტურებული შემთხვევა. ამ 81 დადასტურებული შემთხვევიდან, ამ ეტაპზე ჩვენთან მკურნალობს 32 პაციენტი. 13-მა პაციენტმა დატოვა ჩვენი კლინიკა.

დღეს გითხარით, რომ 12-მა პაციენტმა დატოვა კლინიკა, მეცამეტე პაციენტის მდგომარეობაც შეფასდა, მისი კლინიკური და რადიოლოგიური მონაცემები იძლეოდა საშუალებას, რომ მასაც დაეტოვებინა კლინიკა და გაეწერა ბინაზე, თვითიზოლაციაში 2 კვირის განმავლობაში.

ყველა პაციენტი, რომელიც ტოვებს კლინიკას გაჯანმრთელებული, მიუხედავად ამისა, ისინი აგრძელებენ თვითიზოლაციაში ყოფნას 2 კვირის განმავლობაში", -განაცხადა მარინა ეზუგბაიამ.

მან ასევე აღნიშნა, რომ კორონავირუსით დაინფიცირებული ახალი პაციენტების ჯანმრთელობის მდგომარეობა ამ ეტაპზე უცვლელია.