ავტორი:

ნიუ-იორკში კორონავირუსით საქართველოს მოქალაქე გარდაიცვალა

ნიუ-იორკში კორონავირუსით საქართველოს მოქალაქე გარდაიცვალა

ნიუ-იორკში საქართველოს მოქალაქე 65 წლამდე მამაკაცი გარდაიცვალა, რომელიც კორონავირუსით იყო ინფიცირებული. ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ განაცხადა.

მისივე თქმით, ეს არის საზღვარგარეთ საქართველოს მოქალაქის გარდაცვალების მეხუთე შემთხვევა, ხოლო აშშ-ში ქართველის გარდაცვალების პირველი შემთხვევაა.

იმნაძის განმარტებით, ხანშიშესულ მამაკაცს კორონავირუსთან ერთად, სხვა თანმხლები ქრონიკული დაავადებებიც ჰქონდა.

"სამწუხაროდ, კიდევ ერთი ჩვენი თანამოქალაქე გარდაიცვალა საზღვარგარეთ, ეს არის უკვე მე-5 შემთხვევა საზღვარგარეთ ჩვენი თანამემამულის გარდაცვალების. ეს არის ნიუ-იორკში მცხოვრები 64 წლის მამაკაცი. საგარეო საქმეთა სამინისტრო და საელჩო ოჯახთან არიან კავშირზე, ისევე როგორც წინა შემთხვევაში, რომელიც ესპანეთში დაფიქსირდა. აქაც, გარდა COVID-19-ისა, ასევე იყო თანხმლები სხვა ქრონიკული დაავადებები" - განაცხადა პაატა იმნაძემ.

ბოლო დღეებში, ამერიკამ კორონავირუსით ინფიცირებულთა რაოდენობით მსოფლიოში ყველა ქვეყანას გაასწრო. ბოლო მონაცემებით, აშშ-ში კორონავირუსით ინფიცირებულია 165 000-მდე ადამიანი, გარდაიცვალა - 3000-ზე მეტი პაციენტი.

ვირუსის გავრცელების მხრივ, ყველაზე მძიმე სიტუაცია ნიუ-იორკშია.

ქართველი ფეხბურთელი თბილისში ველოსიპედით მოძრაობის დროს პატრულმა დააჯარიმა

ჭუბერი Covid-19-ის საფრთხეს სრულად განახლებული ამბულატორიით დახვდა

სა­ქარ­თვე­ლო­ში კო­რო­ნა­ვირუ­სით ინ­ფი­ცი­რე­ბის შემ­თხვე­ვე­ბი 408-მდე გა­ი­ზარ­და