"უმორჩილესად გთხოვთ, ვიხსნათ ცოტნე სამუდამო დაინვალიდებისაგან" - მანანა არჩვაძე-გამსახურდია ვაჟის აშშ-ში გადაყვანას ითხოვს
საქართველოს ყოფილი პირველი ლედი მანანა არჩვაძე-გამსახურდია ვაჟის, ცოტნე გამსახურდიას შესახებ წერს და საზოგადოებას დახმარებას სთხოვს. როგორც ის წერს, იმისთვის, რომ ცოტნეს ჯანმრთელობის მდგომარეობა გაუმჯობესდეს, აუცილებელია მისი ამერიკის შეერთებული შტატების სამხედრო ჰოსპიტალში გადაყვანა.
"sos!sos!sos!... მიმართვა საზოგადოებისადმი!გთხოვთ გამოიჩინოთ გულისხმიერება და დამეხმაროთ, რათა ერთიანი ძალებით შევძლოთ ცოტნე გამსახურდიას გადაყვანა ამერიკის შეერთებული შტატების სამხედრო ჰოსპიტალში, ვინაიდან ამ ჰოსპიტალის გარდა არ არსებობს არც ნევროლოგიური და არც სარეაბილიტაციო კლინიკა,რომელიც ცოტნეს მდგომარეობას გააუმჯობესებს.
უკანასკნელი 24 საათის ინფორმაციით ცოტნე გამსახურდიას მდგომარეობა არ შეცვლილა. იგი არ რეაგირებს არაფერზე, სიტუაციას ვერ აღიქვამს, მეტყველება არ შეუძლია, კიდურეზე ოდნავი შეხებით გამოწვეული რეაქცია არის მხოლოდ რეფლექსური და მეტი არაფერი.ძალიან გთხოვთ, თქვენი ერთობლივი თანადგომით ვუზრუნველყოთ სამეულის მკაცრ განაჩენზე წინააღმდეგობის გაწევა, ვინაიდან ისინი ექვემდებარებიან ზემდგომ ორგანოებს და ასრულებენ მათ დავალებებს. უმორჩილესად გთხოვთ, ერთობლივად ვიხსნათ ცოტნე გამსახურდია სამუდამო დაინვალიდებისაგან" - წერს არჩვაძე-გამსახურდია.
შეგახსენებთ, ცოტნე გამსახურდია 19 დეკემბერს დაჭრეს. მისი დაჭრის ფაქტზე 4 პირია დაკავებული. ცოტნე გამსახურდიას თურქეთის კლინიკაში მკურნალობენ.
"შეიქმნება სწრაფი რეაგირების მობილური ჯგუფები" - რას გულისხმობს ჯანდაცვის მინისტრის ინიციატივა
„თეგეტა მოტორსი“ „ბიზნესისა და ტექნოლოგიების უნივერსიტეტის“ სტუდენტებისათვის ჰაკათონს გამართავს
