"ცოტნე არის ადამიანი, რომელსაც დედა უყვარს და დედას უყვარს" - რას ამბობს ცოტნე გამსახურდიას ჯანმრთელობის მდგომარეობაზე მსახიობი სოფო ჯაბაური

"20 წლის შემდეგ, იმას უფრო ინანებ, რაც არ გააკეთე, ვიდრე იმას - რაც გააკეთე", - წლების წინ, წიგნში ამოკითხული ეს ფრაზა მსახიობ სოფო ჯაბაურს გამორჩეულად დაამახსოვრდა. ის "ჩემი ცოლის დაქალებში" პრემიერ-მინისტრის მეუღლის როლს ასრულებს. როგორ მოხვდა სერიალში, ვინ ენატრება ყველაზე მეტად, რას ვერ გააკეთებს ვერანაირი თანხის სანაცვლოდ, რა ვერ ისწავლა დღემდე, როგორ იქცევა მაშინ, როცა დაძაბული პერიოდი აქვს და როგორ ახასიათებს ცოტნე გამსახურდიას, რომელიც დედის - ანა ჯაბაურის მეუღლეა? - ამ ყველაფერის თაობაზე მან ჟურნალ "გზასთან" ისაუბრა. გთავაზობთ ნაწყვეტს ინტერვიუდან:

- დედაჩემი ანა ჯაბაურია, მას ორი პროფესია აქვს: ექიმი და ჟურნალისტია, ეპიზოდურ როლს თამაშობს "ჩემი ცოლის დაქალებში". ახლა დედა საქართველოში არ იმყოფება, ის მეუღლესთან - ცოტნე გამსახურდიასთან ერთად გერმანიაშია. მოგეხსენებათ, იქ ცოტნე სარეაბილიტაციო კურსს გადის.

- როგორია ცოტნე გამსახურდიას ჯანმრთელობის მდგომარეობა...

- ...ეტაპობრივად უკეთესობისკენ იცვლება, დედა მისი ჯანმრთელობის მდგომარეობის შესახებ ინფორმაციას პერიოდულად ავრცელებს. ახლა სარეაბილიტაციო კურსს ჰაიდელბერგის კლინიკაში გადის. ექიმები იმედიანად არიან განწყობილი. ცოტნე გამსახურდია დადებითი ადამიანია, ვერ იტანს უსამართლობას და ყოველთვის ამის წინააღმდეგ იბრძვის. ეს არის ადამიანი, რომელსაც დედა უყვარს და დედას უყვარს, ამით ყველაფერი ნათქვამია. გააგრძელეთ კითხვა