თბილისის მერია 300 მიკროავტობუსის შესაძენად გამოცხადებულ ტენდერს დროებით აჩერებს
თბილისის მერია 300 მიკროავტობუსის შესაძენად გამოცხადებულ ტენდერს დროებით აჩერებს. როგორც თბილისის მერმა კახა კალაძემ ჟურნალისტებს განუცხადა, ტენდერის შეჩერების მიზეზი COVID-19-თან დაკავშირებით არსებული რეალობაა.
"რამდენიმე დღის წინ განცხადება გავაკეთე, რომ საწუხაროდ, ჩვენ მოგვიწევს ბიუჯეტში ცვილებების შეტანა, ბევრ პროექტზე უარი ვთქვათ იმ გარემოებებიდან და რეალობიდან გამომდინარე, რაც ხდება ჩვენს ქვეყანაში და ზოგადად, მსოფლიოში. შესაბამისად, ტენდერი, რომელიც 13 მარტს იყო გამოცხადებული იქნება შეჩრებული.
სამწუხაროდ, ასევე შეჩერდდება ბევრი სხვა პროექტი. თუ რომელი პროექტი, მომდევნო დღეების განმავლობაში მოგაწვდით სრულ ინფორმაციას“, - განაცხადა კახა კალაძემ.
შეგახსენებთ, რომ თბილისის მერია 300 მიკროავტობუსს 29 მილიონ ლარად ყიდულობდა. ტრანსპორტის ყვითლის ნაცვლად ლურჯი ფერის უნდა ყოფილიყო.
"კორონავირუსი არც ივნისში მორჩება, არც ივლისში, არც აგვისტოსა და სექტემბერში... მასთან თანაცხოვრება უნდა ვისწავლოთ" - გამყრელიძე
საქართველოში კორონავირუსისგან 168 პაციენტი გამოჯანმრთელდა
