კორონავირუსის გავრცელების ცხელი წერტილები, სადაც ბოლო დღეებია ახალი ინფიცირებულების რაოდენობა იკლებს

მსოფლიო კორონავირუსის პანდემიას ებრძვის. ვირუსის ახალი შტამი, COVID-19 მსოფლიოს 209 ქვეყანასა და ტერიტორიულ ერთეულშია გამოვლენილი. გლობალური მასშტაბით, ბოლო მონაცემებით, კორონავირუსის 1 347 473 შემთხვევაა დადასტურებული, რომელთა შორის, 285 090 ადამიანი გამოჯანმრთელდა, ხოლო 74 779 პაციენტი გარდაიცვალა.

ამ ეტაპზე ყველაზე რთული ვითარებაა აშშ-ში, ესპანეთში, იტალიაში, გერმანიაში, საფრანგეთში, ირანში, დიდ ბრიტანეთსა და თურქეთში, თუმცა ზოგიერთ ჩამოთვლილ ქვეყანაში უკვე შეინიშნება ახალი ინფიცირებულების რაოდენობის კლების დინამიკა, რაც ეპიდემიოლოგებს აფიქრებინებთ, რომ ვირუსის პიკმა გადაიარა.

მაგალითად, ესპანეთში ბოლო ხუთი დღეა ახალი ინფიცირებულების რაოდენობა იკლებს. აქ ბოლო ხუთი დღის სტატისტიკა ასე გამოიყურება:

• 2 აპრილი - 7 947 ახალი ინფიცირებული
• 3 აპრილი - 7 134 ახალი შემთხვევა
• 4 აპრილი - 6 969 ახალი ინფიცირებული
• 5 აპრილი - 5 478 ახალი ინფიცირებული
• 6 აპრილი - 5 029 ახალი შემთხვევა.

ბოლო სამი დღეა ახალი შემთხვევების რაოდენობა იკლებს იტალიაშიც. იტალიის სტატისტიკური მონაცემები ასეთია:

• 4 აპრილი - 4 805 ახალი შემთხვევა
• 5 აპრილი - 4 316 ახალი შემთხვევა
• 6 აპრილი - 3 599 ახალი შემთხვევა

ბოლო 4 დღეა ახალი შემთხვევების რაოდენობა იკლებს გერმანიაშიც. ამ ქვეყნის გასული დღეების სტატისტიკური მონაცემები ასე გამოიყურება:

• 3 აპრილი - 6 365 ახალი ინფიცირებული
• 4 აპრილი - 4 933 ახალი ინფიცირებული
• 5 აპრილი - 4 031 ახალი ინფიცირებული
• 6 აპრილი - 3 252 ახალი ინფიცირებული

უმნიშვნელო, თუმცა მაინც, ახალი ინფიცირებულების კლების ტენდენცია შეინიშნება ირანშიც. ბოლო დღეების სტატისტიკა ასეთია:

• 4 აპრილი - 2 560 ახალი ინფიცირებული
• 5 აპრილი - 2 483 ახალი ინფიცირებული
• 6 აპრილი - 2 274 ახალი ინფიცირებული.

დიდ ბრიტანეთში 6 აპრილს 5 აპრილთან შედარებით ნაკლები ახალი ინფიცირებული ჰყავთ და თუ კლების დინამიკა შენარჩუნდება, ჩათვლიან, რომ პიკის პერიოდმა, შესაძლოა, აქაც გადაიარა, თუმცა ერთ დღიანი კლების მიხედვით, ექსპერტები ჯერ ვერაფერს ამბობენ, 5 აპრილს დიდ ბრიტანეთში 5 903 ახალი ინფიცირებული აღრიცხეს, ხოლო 6 აპრილს - 3802.

კორონავირუსით ახალი ინფიცირებულის, გარდაცვლილებისა და ვირუსისგან გამოჯანმრთელებულების შესახებ სტატისტიკური მონაცემები განთავსებულია ვებ-გვერდზე: www.worldometers.info