ავტორი:

31 წლის განმავლობაში პირველად, 9 აპრილის მემორიალთან ხალხი არ არის - ფოტოები რუსთაველის გამზირიდან

31 წლის განმავლობაში პირველად, 9 აპრილის მემორიალთან ხალხი არ არის - ფოტოები რუსთაველის გამზირიდან

31 წლის განმავლობაში პირველად, თბილისში, პარლამენტის წინ მდებარე 9 აპრილის მემორიალის მიმდებარე ტერიტორია ცარიელია. ტრადიციულად ამ დღეს მემორიალს მთავრობის, ოპოზიციის, დიპლომატიური კორპუსის წევრები და მოქალაქეები ყვავილებით ამკობდნენ და სანთლებს ანთებდნენ, თუმცა დღეს კორონავირუსის შესაძლო გავრცელების რისკის გამო, მემორიალის ტერიტორია ცარიელია.

მწვანე ჯებირებით შემოსაზღვრულ ტერიტორიაზე რამდენიმე გვირგვინი და ტიტები მაინც აწყვია, როგორც ჩანს, გამვლელებმა მემორიალის მიმდებარედ, სანთლებიც დაანთეს.

ფოტოები: ვანო გორგიშვილი

1989 წლის 9 აპრილის ტრაგედიიდან 31 წელი შესრულდა. 1989 წლის 9 აპრილს, გამთენიისას, საბჭოთა კავშირის შეიარაღებული ძალების ნაწილებმა თბილისის ცენტრში, პარლამენტის შენობასთან მშვიდობიანი საპროტესტო აქცია დაარბიეს, რასაც მსხვერპლი მოჰყვა.

დარბევის შედეგად 21 ადამიანი დაიღუპა. პარლამენტის წინ შეკრებილი ათასობით მოქალაქე დაუდგენელი შემადგენლობის გაზით მოიწამლა.

1991 წლის 9 აპრილს მაშინდელმა უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.

ფოტოები: ვანო გორგიშვილი

1989 წლის 9 აპრილის მოვლენების ამსახველი, ნაკლებად ცნობილი 5 ფოტო

"ამერიკელი ვარსკვლავი შეროლ პორტერი პირველად სინჯავს ქართულ ხინკალს" - ნახეთ როგორი რეაქცია აქვს მას დაგემოვნებისას

"ქუთაისიდან ჩამოვედი... ყველაზე უცნაური დღე იყო ჩემს ცხოვრებაში" - გოგონა დოჩანაშვილის დაკრძალვიდან, რომლის ფოტოც ინტერნეტჰიტად იქცა