1989 წლის 9 აპრილის მოვლენების ამსახველი, ნაკლებად ცნობილი 5 ფოტო

პოეტი რობერტ მესხი აქვეყნებს 1989 წლის 9 აპრილის მოვლენების ამსახველ ნაკლებად ცნობილ ფოტოებს, წარწერით:

"ახლახან 1989 წლის 9 აპრილის ამსახველი ეს ხუთი ფოტო გადავეცი საქართველოს თეატრის, მუსიკის, კინოსა და ქორეოგრაფიის სახელმწიფო მუზეუმს (დირექტორი - გიორგი კალანდია). ამ ფოტოთაგან ორი გამოქვეყნებულია 1990 წელს გურამ გვერდწითელის რედაქტორობით გამოცემულ მემორიალურ წიგნში - "9 აპრილი“. სამწუხაროდ, მათი ავტორი ჩემთვის უცნობია, ფოტოებს წარწერა არ ჰქონდა. ხსენებულ წიგნშიც, სადაც უამრავი ფოტოა, არ არიან მითითებული ფოტოგრაფები. ეს ხუთი ფოტო სრულიად შემთხვევით აღმოჩნდა ჩემთან. ისინი ერთად ეწყო ერთ-ერთ სქელტანიან წიგნში, რომელიც წლების წინ ნავთლუღის ბაზარში შევიძინე. დღეს 9 აპრილია".