ქართველმა მეზღვაურებმა ხმელთაშუა ზღვაში 12 ადამიანის სიცოცხლე იხსნეს
ქართველმა მეზღვაურებმა ხმელთაშუა ზღვაში 12 ადამიანის სიცოცხლე იხსნეს. როგორც საზღვაო ტრანსპორტის სააგენტოს მიერ სოციალურ ქსელში გავრცელებულ ინფორმაციაშია აღნიშნული, გადარჩენილებიც და მაშველებიც უვნებლები არიან.
"გემ BELLATRIX-ის 12 მეზღვაურის გადასარჩენად სამაშველო ოპერაციაში პანამის დროშის ქვეშ მცურავი გემის ARIFE-ს ეკიპაჟის 12 წევრი, მათ შორის 6 ქართველი მონაწილეობდა.
გადარჩენილებიც და მაშველებიც უვნებლები არიან", - იტყობინება საზღვაო ტრანსპორტის სააგენტო.
მომხდარ ფაქტს ერთ-ერთი მეზღვაური, გიორგი თუშმალიშვილი ასე იხსენებს:
"კასაბლანკისკენ მივცურავდით 8 აპრილს, დილის 4 საათზე ღია ზღვაში ცეცხლმოდებული გემი შევამჩნიეთ და SOS სიგნალი მივიღეთ. ეკიპაჟი სწრაფად მოემზადა ოპერაციისთვის. 12-ვე ადამიანი გადმოვიყვანეთ ჩვენს გემზე”, -აცხადებს გიორგი თუშმალიშვილი.
"როცა პირველი პაციენტი გამოჯანმრთელდა, მაშინვე მე დამირეკა..." - ლევან რატიანის დედის ინტერვიუ და უცნობი ფაქტები ცნობილ ექიმზე
"გუკას ექვსი თვე მიუსაჯეს, ერთი თვეა უფროსი შვილი არ მინახავს" - ნინო დარასელი კარანტინის დღეებზე
