აშშ-ში კორონავირუსით დაღუპულთა რაოდენობამ იტალიის მონაცემებს გადააჭარბა

აშშ-ში კორონავირუსით დაღუპულთა რაოდენობამ 20 000-ს გადააჭარბა, - ამის შესახებ ინფორმაციას „ბიბისი” ავრცელებს.

გამოცემის ცნობით, აშშ პირველი ქვეყანა გახდა მსოფლიოში, სადაც კორონავირუსით ერთი დღე-ღამის მანძილზე 2 000-ზე მეტი ადამიანი გარდაიცვალა.

აღსანიშნავია, რომ ფატალური შემთხვევების რაოდენობით აშშ-მ იტალიას გაუსწრო და გლობალური მასშტაბით პირველი ადგილი დაიკავა.

გარდა ამისა, ბოლო მონაცემებით, ქვეყანაში კორონავირუსის ნახევარ მილიონზე მეტი შემთხვევაა დადასტურებული, გამოჯანმრთელებულთა რაოდენობა კი 30 453-ია.