ანდრეა ბოჩელის ემოციური სააღდგომო სოლო კონცერტი მილანის ცარიელ ტაძარში - "ამ გზით, ჩვენ დედამიწის დაჭრილ გულს გულში ვიკრავთ"

იტალიელმა ტენორმა, ანდრეა ბოჩელიმ მილანის ცარიელ ტაძარში სააღდგომო სოლო კონცერტი გამართა, რომლის პირდაპირ ტრანსლაციას მსოფლიოს მასშტაბით დაახლოებით 22 მილიონმა ადამიანმა უყურა. კონცერტი, სახელწოდებით „იმედის ნოტები“ „იუთუბის“ არხზე გადაიცემოდა, სადაც ბოჩელიმ ოთხი სიმღერა შეასრულა.

„მუსიკის წყალობით, რომელიც პირდაპირში გადაიცემოდა, მილიონობით ადამიანმა ერთმანეთს ხელი ჩასჭიდა. ამ გზით, ჩვენ დედამიწის მფეთქავ დაჭრილ გულს გულში ვიკრავთ“, - განაცხადა ბოჩელიმ.

ცნობისთვის, მსოფლიოს მასშტაბით კორონავირუსის 1 853 593 შემთხვევაა გამოვლენილი. ინფექციას ამ დროისთვის 114270 ადამიანის სიცოცხლე ემსხვერპლა.

<iframe width="560" height="315" src="https://www.youtube.com/embed/80lSpPZybRo" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>