თბილისის ზღვის ჰოსპიტალში ერთ პაციენტს კორონავირუსი დაუდასტურდა

თბილისის ზღვის ჰოსპიტალის კრიტიკული მედიცინის დეპარტამენტის ხელმძღვანელის, მარეხი ბექაიას განცხადებით, კლინიკაში მყოფი პაციენტების ჯანმრთელობის მდგომარეობა საშუალო სიმძიმისაა.

მისი თქმით, გუშინ 24 პაციენტს ჩაუტარდა ტესტირება კოვიდ-19-ზე და აქედან ერთს, ასაკოვან ქალს დადებითი პასუხი დაუფიქსირდა.

„კლინიკაში ამჟამად 41 პაციენტი იმყოფება. გუშინ 24 კვლევა გავაგზავნეთ ლუგარის ლაბორატორიაში, აქედან ერთს დადებითი პასუხი დაუფიქსირდა. ეს არის ჩვენი ყოფილი პაციენტის დედა, ასაკოვანი ქალბატონი, რომელსაც თსსუ-ს პირველ საუნივერსიტეტო კლინიკაში გადაიყვანენ. მისი ანამნეზი დატვირთულია იმით, რომ მის შვილსაც დაუდასტურდა კოვიდ-19. დანარჩენი პაციენტების მდგომარეობა საშუალო სიმძიმისაა, მისიც მათ შორის. დანარჩენ პაციენტებს დღეს ჩაუტარდებათ ტესტირება“, - განაცხადა მარეხი ბექაიამ.