მსოფლიოში კორონავირუსით ინფიცირებულთა რაოდენობამ 2 მილიონს გადააჭარბა

კორონავირუსის ახალი შტამით, COVID-19-ით ინფიცირებულთა რაოდენობამ 2 მილიონს გადააჭარბა. ბოლო ოფიციალური მონაცემებით, გლობალური მასშტაბით, ამ დროისთვის 2 000 066 ადამიანი დაინფიცირდა, მათ შორის 126 754 პაციენტი გარდაიცვალა, ხოლო 484 597 - გამოჯანმრთელდა.

ინფიცირებულთა რაოდენობის მიხედვით, მსოფლიო ქვეყნების ათეული ასეთია - ამერიკის შეერთებული შტატები, ესპანეთი, იტალია, საფრანგეთი, გერმანია, დიდი ბრიტანეთი, ჩინეთი, ირანი, თურქეთი და ბელგია.

COVID-19 პირველად ჩინეთის ქალაქ უხანში გამოვლინდა, საიდანაც მთელ მსოფლიოში გავრცელდა. ამ დროისთვის ვირუსი 210 ქვეყანასა და ტერიტორიულ ერთეულზეა გამოვლენილი.

ჯანდაცვის მსოფლიო ორგანიზაციამ 11 მარტს კორონავირუსის პანდემია გამოაცხადა.