ავტორი:

"ასთმა მაქვს და განსაკუთრებით ფრთხილად ვარ" - შოთა არველაძე პანდემიის დროს ოჯახთან ერთად, სტამბოლშია

"ასთმა მაქვს და განსაკუთრებით ფრთხილად ვარ" - შოთა არველაძე პანდემიის დროს ოჯახთან ერთად, სტამბოლშია

"ტრაპიზონსპორის" ლეგენდა, ქართველი მწვრთნელი შოთა არველაძე კოროვირუსულ პერიოდში ოჯახთან ერთად სტამბოლში ჩავიდა და კარანტინში იმყოფება. ამის შესახებ ტაშკენტის "ფახტაკორის" მთავარმა მწვრთნელმა Vice.com-თან ილაპარაკა.

„ქართველმა მწვრთნელმა შოთა არველაძემ, რომელიც მუშაობდა სუპერლიგის „კაისერში“, „ქასიმფაშასა“ და „ტრაპიზონსპორში“, საკარანტინო დღეებსა და უზბეკეთის გუნდში, „პახტაკორში“ მუშაობაზე ილაპარაკა. არველაძემ განმარტა, თუ როგორ ჩამოვიდა სტამბოლში ეპიდემიის გამო და ახლანდელი მოვლენები საინტერესოდ შეაფასა", - წერს გამოცემა.

”როდესაც „ქასიმფაშაში“ ვმუშაობდი, სტამბოლში სახლი ვიყიდე და აქ ვცხოვრობთ. მთელი ოჯახი ჩემთანაა. განსაკუთრებით ფრთხილად მე ვარ, რადგან ასთმა მაქვს. ვინაიდან ავიაკომპანიის ბილეთები არ იყო, აქ ჩამოსვლა კერძო თვითმფრინავით მოვახერხე. ვკითხულობ წიგნებს, ვურეკავ მეგობრებს და ოჯახის წევრებს, ვსაუბრობ ჩემს მეუღლესთან და შვილებთან და ვუყურებ ფილმებს. ზოგჯერ Instagram-ზე ვუყურებ, ბიჭები წარსულის ფოტოებს და ფეხბურთის ვიდეოებს რომ აქვეყნებენ. ეს სახალისოცაა და ნოსტალგიის მომგვრელიც,“ - ამბობს შოთა არველაძე.

ვეტერანი ქართველი ფეხბურთელის თქმით, მსოფლიოს განახლების შანსი მიეცა: „ახლა კონცენტრირება მიჭირს. ყველაფერი, რაც ჩვეული ამბავი იყო, აღარ არსებობს - მეგობრებთან შეხვედრა, ერთად ყავის დალევა, გარეთ სეირნობა, ფეხბურთის მოედანზე გასვლა და სირბილი. ეს კრიზისი ყველას ღრმა კვალს დაუტოვებს. ეს კრიზისი ყველგან დიდ ჭრილობას დატოვებს. იმის გამო, რომ ადამიანები სახლებში არიან, ბუნებაც განახლდება. მე ამაში ვხედავ იმ სიგნალს, რომელიც გამოსაღვიძებლად გვჭირდებოდა. ვცხოვრობთ დროში, როდესაც ადამიანები ერთმანეთის დახმარებას ცდილობენ. ადამიანები ეგოისტები გავხდით. მაგრამ იმისთვის არ ვცხოვრობთ, რომ მხოლოდ ფული ვიშოვოთ და ერთმანეთს სოციალურ ქსელებში ვულაიქოთ“.

არველაძე რისი არველაძე იქნებიოდა, რომ არ ეხუმრა: „ახლა, როდესაც ყველა საყვარელ ადამიანთანაა სახლში, ერთმანეთისთვის მეტი დრო გვაქვს. ორი ვარიანტია - შესაძლოა, ცხრა თვეში შობადობის ბუმი იყოს. ან ბევრი განქორწინება, თუ კრიზისი დიდხანს გაგრძელდება“.

ინტერვიუში შოთამ ტყიუპისცალ არჩილ არველაძეზეც იხუმრა: „აჩი ჩემთან ერთად სტამბოლში არაა, ის ოჯახთან ერთად საქართველოშია. ჩვენ, როგორც წესი, განუყოფლები ვართ. არჩილი „პახტაკორში“ მეხმარება. მოთამაშეებს შეუძლიათ განვასხვავოთ ერთმანეთისგან: მე მასზე ბევრად ლამაზი ვარ. ისე სკოლაში ერთმანეთს „ვცვლიდით“ და სხვებს ასე ვეცნობოდით“. წაიკითხეთ სრულად

"თუ არ დავრჩებით სახლში, გვექნება უდიდესი მსხვერპლი... ვეღარ დავითვლით კუბოებს, ეს გინდათ?" - იმნაძე

"თქვენ მაძლევთ გარანტიას, რომ არ გჭირთ კორონავირუსი და მე არ მაავადებთ?" - დეკანოზი ანდრია ჯაღმაიძე ჟურნალისტს

"გადავწყვიტეთ, სააღდგომო მსახურებაზე მრევლი მივიდეს კომენდანტის საათის დაწყებამდე და დილის 06:00 საათზე დატოვოს ტაძარი"