"ულამაზესი ადგილია, მაგრამ სახლი მირჩევნია" - საფრანგეთიდან სამშობლოში დაბრუნებული "კაბუს" კომენტარი კარანტინიდან

ორი დღის წინ საფრანგეთიდან სპეცრეისით საქართველოს მოქალაქეები ჩამოფრინდნენ. მათ შორის გახლდათ რეპერი და მსახიობი კახა აბუაშვილი. ქვეყანაში არსებული წესების თანახმად, "კაბუც" კარანტინში გადაიყვანეს და ახლა ყვარელშია. ერთი სული აქვს როდის გავა ორი კვირა, რომ ახლობლები მოინახულოს.

"კაბუს" სოციალური ქსელის საშუალებით დავუკავშირდით. ქართველი რეპერი AMBEBI.GE-სთან სასტუმროში არსებულ პირობების შესახებ ისაუბრა:

- მშვენივრად ვგრძნობ თავს, ძალიან კარგია აქ, მშვენიერი პირობებია, ულამაზესი ადგილია, საოცრებაა, მაგრამ სახლი მირჩევნია. ძალიან კარგად გვეპყრობიან, კარგი გარემოა. ყველანაირად ყურადღებას გვაქცევენ, ექიმი დღეში სამჯერ რეკავს და გვკითხულობენ, დიდი მადლობა ყვარელს და სრულიად საქართველოს, მომენატრეთ ყველა და ძალიან მიყვარხართ. აქ ვაპირებ დარჩენას, სადღა წავალ, აქ არის ჩემი ადგილი.