ნიკა მელიას ინფორმაციით, ვაჟა-ფშაველაზე ბრმა ტყვიით მოკლული ქალი "შსს-ს თანამშრომლების ღრეობას" ემსხვერპლა

„ნაციონალური მოძრაობის“ ერთ-ერთი ლიდერი ნიკა მელია ვაჟა ფშაველას გამზირზე მომხდარ უბედურ შემთხვევას ეხმაურება და აცხადებს, რომ „კომენდატის საათის“ დროს შსს-ს თანამშრომლები ღრეობას აწყობენ, აივანზე გადიან და ცეცხლსასროლი იარაღიდან ისვრიან.

„კომენდანტის საათია. ეს ხელს არ უშლით ღრეობის მოწყობაში შსს-ს თანამშრომლებს. არც იმაში, რომ გავიდნენ აივანზე და ცეცხლსასროლი იარაღიდან ჯერი გაუშვან.

და მერე რა ხდება?

როგორც იმ შორ და ბნელ 90-იანებში, ბრმა ტყვია კლავს მოპირდაპირედ, მერვე სართულზე მცხოვრებ უდანაშაულო ქალბატონს, რომელიც შინ, მშვიდად ტელევიზორს უყურებს. კლავს მოხუცი დედის თვალწინ.

ეს ხდება 2020 წელს, ვაჟა ფშაველას გამზირზე“, - წერს სოციალურ ქსელში „ნაციონალური მოძრაობის“ ერთ-ერთი ლიდერი ნიკა მელია.

შეგახსენებთ, რომ მომღერალ თინა მახალდიანის დედა, ოჯახის წევრებთან ერთად ტელევიზორს უყურებდა, რა დროსაც ტყვია თავის არეში მოხვდა. დაჭრილი საავადმყოფოში მიყვანისთანავე გარდაიცვალა.