ავტორი:

რას მოგიტანთ "დაუმორჩილებელი" ახალმთვარეობა - როგორ შეიცვლება ზოდიაქოს ნიშნების ცხოვრება 23 აპრილის შემდეგ

რას მოგიტანთ "დაუმორჩილებელი" ახალმთვარეობა - როგორ შეიცვლება ზოდიაქოს ნიშნების ცხოვრება 23 აპრილის შემდეგ

23 აპრილს ახალმთვარეობას ველოდებით კუროს ზოდიაქოს მეხუთე გრადუსში. როგორც წესი, კურო დინჯი და გაწონასწორებულია, მაგრამ ეს ახალმთვარეობა შეგვიძლია კორიდას შევადაროთ. რადგან ამ მოსიყვარულე და აუჩქარებელ კუროს, ახალმთვარეობა ელვასავით დააცხრება თავზე და განსხვავებულად მოქმედებას აიძულებს.

20 აპრილიდან მზე კუროს ზოდიაქოშია. კურო ეს არის კომფორტი, მატერიალური კეთილდღეობა, სიყვარული. ამიტომ, სანამ მზე ტყუპის ზოდიაქოში გადაინაცვლებს, ეს თემები იქნება აქტუალური. ახალმთვარეობა გვექნება 23 აპრილს, 6:25-ზე მანამდე (დაიწყება 22 აპრილს 6:36-ზე) გვექნება მთვარის ოცდამეცხრე დღე. უსიამოვნო დღეა, ამიტომ მაქსიმალურად ფრთხილად უნდა განვლოთ. მთვარის მეორე დღე კი დაიწყება 23 აპრილს, 6:49-ზე. როგორც ხედავთ, მთვარის პირველი დღე სულ რამდენიმე წუთს გასტანს.

ამიტომ, თუ სამომავლო სურვილის ჩაფიქრება გსურთ, სწრაფად უნდა იმოქმედოთ. სურვილი კი დაკავშირებული უნდა იყოს ფინანსებთან, მატერიალურ საკითხებთან

კუროს ზოდიაქოს ერთ-ერთი თემაა ფული, თანაც კუროს ზოდიაქოში მდებარეობს მოულოდნელობების პლანეტა ურანიც (ახალმთვარეობაზე მზესთან და მთვარესთან აქვს შეერთება, რაც კიდევ უფრო ამძაფრებს ამ ასპექტს). ამიტომ, უნდა გააანალიზოთ თქვენი ფინანსები, რაში იხდით ფულს და საიდან გსურთ ფულის მიღება. შეიძლება ახალი გზები გამოგიჩნდეთ ან ახალი საშუალებები გამონახოთ სიმდიდრის დასაგროვებლად. ან მეორე ვარიანტი არსებობს, ურანის გავლენით მოულოდნელოდ დაკარგოთ დიდი თანხა. ამიტომ, გაითვალისწინეთ, არასტაბილურ ენერგიას ადეკვატური გადაწყვეტილებით რომ შეხვდეთ.

გარდა ამისა, ურანი მოგვიწოდებს, რომ გავთავისუფლდეთ ყველაფერ იმისგან, რაც ხელს გვიშლის, ზედმეტი ტვირთისა და ურთიერთობებისგანაც. მას სიახლეები სურს და ეს სიახლეები რამდენად იქნება ყველასთვის პოზიტიური უცნობია. ნუ შეეწინააღმდეგებით ცვლილებებს. მთვარის ეს თვე მოითხოვს ჩვენგან, რომ განსაკუთრებული ყურადღება მივაქციოთ ჩვენს ოჯახს. ჩვენს მშობლებს. როგორც იცით, ახალმთვარეობაზე ემოციურობა იმატებს ამიტომ, ეცადეთ, არ იყოთ კონფლიქტური, კრიტიკული, არ გამოეკიდოთ სიტყვებს. განსაკუთრებით ადეკვატურობა მოგეთხოვებათ ახალმთვარეობის წინა დღეს (თუმცა, დაძაბული პერიოდი მთელ კვირას, 29 აპრილამდე გასტანს). პლანეტა მერკური ახლა ვერძის ზოდიაქოშია, რაც გვაძლევს დაუფიქრებლად ნათქვამ ფრაზებს, საკმაოდ უხეშ ფორმაში. მერკურს კი ცუდი ასპექტი აქვს პლანეტა პლუტონთან, რომელიც ძირეულ ცვლილებებს განაგებს. ამიტომ, ფრთხილად როგორც ოჯახის წევრებთან, ასევე ძალოვანებთან და გარშემო მყოფებთან, ზოგადად.

განსაკუთრებით უნდა გამოვყოთ 26 აპრილი, ეს არის დღე, როცა მთვარე და მზე თავისი ეგზალტაციის ნიშნებში ხვდება. ამ დღეს სასურველია, ფულის რიტუალი გააკეთოთ. ან იმ თემაზე მიმართოთ თქვენი ყურადღება, რაც მნიშვნელოვანია. ეს შეიძლება იყოს: ქორწინების გაფორმება, ძვირად ღირებული ნივთების, უძრავი ქონების, სამკაულების შეძენა, ახალი პროექტების დაწყება, ფულის დაბანდება (ოღონდ სანდო საქმეებში) სულიერი პრაქტიკები, ჯანმრთელი ცხოვრების წესის დაწყება, ბავშვის ჩასახვა, მავნე ჩვევებისგან გათავისუფლება, ქველმოქმედება.

  • ვის რა ელის მთვარის ამ პერიოდში კუროში ახალმთვარეობის შემდეგ?

როგორც უკვე იცით, კუროს ზოდიაქოში მზესა და მთვარეს უერთდება პლანტება ურანიც (ზემოჩამოთვლილ თემებს, რასაც ურანი განაგებს, უნდა დავუმატოთ ასტროლოგიაც, ინტერნეტიც, თანამედროვე ტექნოლოგიებიც, მეგობარ-თანამოაზრეებიც), რაც იწვევს მოულოდნელობებს, ორიგინალურობას, დაუგეგმავ მოვლენებს, რაც ჩვენგან ითხოვს დაკვირვებულობას და გააზრებულობას. მიაქციეთ ყურადღება კუროს თემებს, ცვლილებები აქაა მოსალოდნელი.

  • ვერძი

ახალი ტექნოლოგიების გამოყენება გმართებთ ფინანსური საკითხების მოსაგვარებლად. ინტერნეტით მოიძიეთ შემოსავლის ახალი წყარო. აქტუალურია ელექტროფულისა და კრიპტოვალუტის თემები. სასარგებლოა ამ თვეში ელექტრო და კომპიუტერული ტექნიკის შეძენა. ზოგიერთმა შეიძლება თანამოაზრეები შემოიკრიბოს ახალი საქმიანობისთვის.

  • კურო

შესაძლოა, საკუთარ თავში ახალი ძალა, ნიჭი (შემოქმედებითიც) აღმოაჩინოთ, აღმაფრენას იგრძნობთ. მის წარმოსაჩენად კი თანამედროვე ტექნოლოგიები უნდა გამოიყენოთ. განსაკუთრებული ყურადღება გმართებთ იმ კუროებს, ვისი დაბადების დღეებიც ახალმთვარეობასთან ახლოსაა, ეხება: 22-25 აპრილის შუალედში დაბადებულებს. უნდა გამოხვიდეთ ჩვეული ცხოვრების წესიდან, გამოავლინოთ ლიდერის თვისებები. თუმცა, ისეთ გადაწყვეტოლებებსაც ნუ მიიღებთ, რომ მერე ინანოთ. ვიცით, რომ თქვენ ხართ დახვეწილი ნიშანი, ელეგანტურობის უმაღლესი შეგრძნებით, მაგრამ ახალ მოგიწოდებთ, რომ ურანის უჩვეულობა ორიგინალურად გამოავლინოთ: ჩაიცვით ჩვეულო სამოსი, გაიკეთეთ უჩვეულო მაკიაჟი და გადაიღეთ ფოტოები, რომლებსაც მერე სოციალურ ქსელში ატვირთავთ. მეტი ეპატაჟი, მეტი ექსტრავაგანტურობა გამოავლინეთ. ხოლო თუ ახალმთვარეობაზე ახალ პროექტს დაიწყებეთ, ესეც ძალიან კარგი იქნება. აქაც გირჩევთ, რომ ძალები თქვენთვის აქამდე უჩვეულო საქმიანობაში მოსინჯოთ.

  • ტყუპი

23 აპრილიდან მეტი ყურადღება მიაქციეთ საკუთარ შინაგან სამყაროს. რისი მიღწევა გსურთ მომავალში? თავს უფლება მიეცით, რომ ცოტა დაისვენოთ, გამონახეთ დრო მედიტაციისა და ლოცვისთვის. ახლანდელი თვითიზოლაცია კარგია განმარტოებისთვის, შინაგანი სიმშვიდის მოპოვებისთვის. დააკვირდით სიზმრებს, შეიძლება მათში შეხვდეთ იმ კითხვებზე პასუხს, რაც გაწუხებთ. აგრეთვე, კარგი იქნება, თუ მონაწილეობას მიიღებთ საქველმოქმედო აქციებში, სხვების დასახმარებლად მოხალისე გახდებით.

  • კირჩხიბი

მთვარის ამ თვეში ცხოვრების ახალ ეტაპზე უნდა გადახვიდეთ, უფრო თანამედროვე უნდა გახდეთ. მეტად უნდა გამოიყენოთ ტექნოლოგიები. მეგობრების დახმარებითა და მხარდაჭერით ახალი იდეების განხორციელებას შეძლებთ. ვირტუალურად იკონტაქტეთ თქვენთვის საინტერესო ადამიანებთან ზოგიერთმა შეიძლება მუშაობა ინტერნეტით დაიწყოს ან პროექტები ონლაინ განახორციელოს.

  • ლომი

ურანი მოულოდნელ ცვლილებას შემოიტანს თქვენს კარიერაში, ან დაწინაურდებით, ან შეიძლება სრულიად შეიცვალოთ საქმიანობის, ბიზნესის მიმართულება. აითვისეთ ახალი კომპიუტერული პროგრამები, გაჯეტები. იყავით მზად ცვლილებებისთვის!

  • ქალწული

გათავისუფლდებით შეზღუდვებისგან, მეტად დააფასებთ საკუთარ თავს, შესაძლებლობებს. მეტად გამოავლინეთ თქვენი ნიჭი, იყავით ორიგინალური. შეიძლება გენიალური მიგნება გააკეთოთ. ზოგიერთი ახალი ცოდნის შეძენას გადაწყვეტს. თქვენ სასარგებლოდ მოგვარდება იურიდიული საკითხები. შანსი მოგეცემათ, რომ გახდეთ ცნობილი, თუნდაც ინტერნეტსამყაროში.

  • სასწორი

მემკვიდრეობასთან, კრედიტებთან, ვალებთან დაკავშირებული მთვარის თვე დაგიდგათ. მოულოდნელობები გელით პარტნიორის ფულებთანაც. ზოგადად, ამ პერიოდში მოულოდნელობები და რისკები გამძაფრებულია. მოერიდეთ სპონტანურობას. განსაკუთრებით, თუ საქმე დიდ ფულს ეხება. კი, შეიძლება "დიდი კუში" მოხსნათ, მაგრამ ვერავინ დაგიცავთ გაბანკროტებისგანაც. მხოლოდ იმ თანხით გარისკეთ, რისი დაკარგვაც უმტკივნეულო იქნება თქვენთვის. აგრეთვე, ამ პერიოდში არ გირჩევთ ვალებისა და კრედიტების აღებას. უფრო მეტიც, კარგი იქნება, თუ გადაფარავთ ვალებს. თუ არ ერკვევით კრიპტოვალუტისა და ელექტროფულის თემებში, ნურც გაეკარებით. ეს არის ცვლილებების, ახალ ეტაპზე გადასვლის, ევოლუციისა და ზრდის პერიოდი. თუ მზად ხართ, ძალიან დიდი შესაძლებლობები მოგეცემათ.

  • მორიელი

მთვარის მთავარი თემა არის ურთიერთობა სასიყვარულო და საქმიან პარტნიორებთან. ურანის გავლენით მოგინდებათ თავისუფლება, ვერ შეეგუებით შეზღუდვებს, პარტნიორის მოთხოვნებს. ამიტომ, უნდა გაფრთხილდეთ, რომ არ დაკარგოთ ის, რაც ახლა გაქვთ. საკუთარ ჭირვეულობაზე მეტად სხვების აზრს მოუსმინეთ. სხვათა შორის, თუ მოინდომებთ, პარტნიორული ურთიერთობა შეიძლება სრულიად სხვა ეტაპზე გადაიყვანოთ. ერთად შეადგინეთ მოქმედების საერთო სცენარი.

  • მშვილდოსანი

23 აპრილიდან მეტი ყურადღება უნდა მიაქციოთ ყოველდღიურ საქმეებს და რა თქმა უნდა, ჯანმრთელობას. თუ დაქვემდებარებული თანამშრომელი ხართ, სასწრაფოდ აითვისეთ თანამედროვე ტექნოლოგიები, ტექნიკა, გაჯეტები, რობოტიზაცია, რაც გაგიმარტივებთ რუტინული საქმეების შესრულებას. ამასთანავე, უნდა დაისვენოთ ხოლმე და ნერვებსაც გაუფრთხილდეთ. ზოგიერთმა შეიძლება თანამედროვე და არატრადიციული მეთოდები მკურნალობაში გამოიყენოს.

  • თხის რქა

თქვენთვის უჩვეულო მთვარის თვე დაგიდგათ. მუდამ საქმეებსა და კარიერაზე ხართ ორიენტირებულები. ახლა კი საკუთარ თავში ახალ შემოქმედებით ნიჭს აღმოაჩენთ. მოგინდებათ, რაღაც ორიგინალური შექმნათ. თვითრეალიზაციისა და თვითპრეზენტაციის შესაძლებლობა მოგეცემათ. თავს ვარსკვლავად ან ჯგუფის (სადაც მუშაობთ) ლიდერად იგრძნობთ. ზოგიერთი შეიძლება საზოგადოდ (ინტერნეტით) შეაქონ. თუ ორიგინალური და უჩვეულო იდეები დაგებადებათ, დაიწყეთ მათი განხორციელება. თუ შვილები გყავთ, ხშირად გაახარეთ საჩუქრებითა და სიურპრიზებით.

  • მერწყული

თქვენი ძირითადი საზრუნავი იქნება თანამედროვე ტექნოლოგიების დაგეგმვა საოჯახო საქმეებში. შეიძლება სამზრეულოსთვის ახალი ტექნიკა შეიძინოთ. ან ე.წ. ჭკვიანი სახლის შექმნა. შეიძლება ახალი ტექნოლოგიები აითვისოთ, რაც საოჯახო საქმეების შესრულებას შეგიმსუბუქებთ. ყურადღება გმართებთ მშობლების მიმართაც. მათ თქვენი ყურადღება, სიყვარული და მზრუნველობა სჭირდებათ. შეგიძლიათ მათ თანამედროვე ტექნოლოგიების ათვისებაში დაეხმაროთ. თუ მშობლები არ გყავთ, ყურადღება მიაქციეთ ნათესავებს. ზოგიერთს გაგიჩნდებათ სურვილი, განაახლოთ სახლი, გააკეთოთ რემონტი... ზოგი შეიძლება ბინიდან საკუთარ სახლში ან პირიქით გადავიდეს.

  • თევზები

მოიმატებს კონტაქტები - მიმოწერა, ზარები - ინტერნეტით. ზოგიერთმა შეიძლება ახალი ტექნოლოგიები აითვისოს ან ინტერნეტით ახალ ცოდნას დაეუფლოს. თუ თქვენი საქმიანობა გაყიდვებთანაა კავშირში, მოიმატებს კლიენტების რაოდენობა, თქვენი პროდუქცია გახდება პოპულარული. კარგია საკუთარი თავის, ბრენდის, საქმიანობის რეკლამირება, გამოიყენეთ თანამედროვე ტექნოლოგიები.

მელანია ტრამპი მაღალქუსლიანი ფეხსაცმლითა და ნიჩბით ხელში -  როგორ ფორმაში რგავს აშშ-ის პირველი ლედი ხეებს (ფოტოები)

შთამბეჭდავი ფოტოები ბათუმის ბულვარიდან, სადაც საკურა აყვავდა - "რაღაცები არასდროს იცვლება"

#მემიყვარსღვინო - ფლეშმობი ღვინის მოყვარულთათვის