ავტორი:

"მიმდინარეობს ვაქცინაზე მუშაობა, მაგრამ კიდევ ერთი წელი არ იქნება, დარწმუნებულები ბრძანდებოდეთ" - ამირან გამყრელიძე

"მიმდინარეობს ვაქცინაზე მუშაობა, მაგრამ კიდევ ერთი წელი არ იქნება, დარწმუნებულები ბრძანდებოდეთ" - ამირან გამყრელიძე

მიმდინარეობს ვაქცინაზე მუშაობა, მაგრამ კიდევ ერთი წელი არ იქნება, დარწმუნებულები ბრძანდებოდეთ, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ბრიფინგზე განაცხადა და იქვე აღნიშნა, რომ ვაქცინის შექმნამდე ვირუსთან ბრძოლის ყველაზე ეფექტური საშუალება სოციალური დისტანცირებაა.

„სამწუხაროდ, ჯერჯერობით გარდა ამ სოციალური დისტანცირებისა, სხვა გამოცდილება არცერთ ქვეყანას არ აქვს ამ დაავადებასთან ბრძოლის. ვინც შედეგს მიაღწია, მიაღწია შეზღუდვებითა და სოციალური დისტანცირებით. ჯერჯერობით ვაქცინა არ არის, მიმდინარეობს მასზე მუშაობა, მაგრამ კიდევ ერთი წელი არ იქნება დარწმუნებულები ბრძანდებოდეთ.

ეთიოტროპული პრეპარატი, რომელიც უშუალოდ ამ ვირუსს კლავს, არ გახლავთ ჯერ. დარწმუნებულები ბრძანდებოდეთ, ის იქნება აუცილებლად საზოგადოების ხელში და როცა იქნება, ადვილად გავუმკლავდებით ვირუსს შემოდგომაზე, ან როცა იქნება ვირუსის შემდგომი ტალღები. დღეს კი უნდა დავიცვათ ის რეკომენდაციები, რომელიც გაჟღერდა“, - განაცხადა ამირან გამყრელიძემ.

23 მაისიდან დახურულ საჯარო სივრცეებში, მათ შორის სავაჭრო ობიექტებში პირბადეების ტარება სავალდებულო იქნება

23 მაისიდან ტანსაცმლითა და ფეხსაცმლით ვაჭრობა კვლავ შეზღუდული იქნება, გარდა ონლაინ ვაჭრობისა - ირაკლი ჩიქოვანი

როდემდე შენარჩუნდება წვიმიანი ამინდი - უახლოესი დღეების პროგნოზი