"აქამდე ეს არ გაგვიჟღერებია... გვყავს პაციენტი, რომელიც სახლში მკურნალობს, მისმა შვილმა უკვე გადაიტანა covid-19" - იმნაძე
"ჩვენ უკვე გვყავს ერთი პაციენტი, რომელიც სახლში მკურნალობს" - ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ "რუსთავი 2"-ის ეთერში განაცხადა.
"აქამდე ეს არ გაგვიჟღერებია, ჩვენ გვყავს ერთი პაციენტი, რომელიც სახლში მკურნალობს. ის შვილთან ერთად ცხოვრობს, რომელმაც უკვე გადაიტანა კორონავირუსი. ჩვენ გვაქვს ამის პრეცედენტი უკვე" - აღნიშნა იმნაძემ.
ცნობისთვის, ამ დროისთვის საქართველოში კორონავირუსით ინფიცირებულია 408 ადამიანი. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული.
კარანტინის რეჟიმშია 5015 ადამიანი, ხოლო სტაციონარში მეთვალყურეობის ქვეშ - 573 პირი.
ინფორმაციისთვის, 408 ადამიანიდან 97 გამოჯანმრთელებულია, ხოლო 4 გარდაიცვალა. ამასთან, უცხოეთიდან სამკურნალოდ გადმოყვანილია საქართველოს 3 მოქალაქე.
"მომსახურების საფასური შესაძლოა გაიზარდოს" - რისი შესრულება მოუწევთ სტომატოლოგიურ კლინიკებს იმისთვის, რომ მუშაობა განაახლონ
ინფორმაცია მათთვის, ვინც 3 000 ლარით დაჯარიმდა - როდიდანაა გადახდა სავალდებულო და როგორ შეგიძლიათ გასაჩივრება
