იპოდრომზე, "გირჩის" ორგანიზებულ აქციაზე რამდენიმე მონაწილე დააკავეს

ხულიგნობისა და პოლიციისთვის დაუმორჩილებლობისთვის იპოდრომის ტერიტორიაზე "გირჩის" მიერ ორგანიზებულ აქციაზე რამდენიმე მონაწილე დააკავეს.

განყოფილებაში არიან გადაყვანილნი აქციის ორგანიზატორებიც. დაკავებულებს სავარაუდოდ 3000-ლარიან ჯარიმას გამოუწერენ.

გუშინ, "გირჩის" ლიდერმა ზურაბ ჯაფარიძემ საზოგადოებას "ფეისბუქით" მოუწოდა საგანგებო მდგომარეობის 22 მაისამდე გაგრძელება იპოდრომზე გაეპროტესტებინათ. ჯაფარიძეს იმედი ჰქონდა, რომ პატრული ვერ დააჯარიმებდათ, რადგან იპოდრომზე, ღია ცის ქვეშ, დისტანციის დაცვით იდგებოდნენ.

ადგილზე 20-მდე ადამიანი შეიკრიბა, რომლებიც პოლიციამ დაშალა.