როდის გაიხსნება სილამაზის სალონები და ესთეტიკური მედიცინის ცენტრები - შეზღუდვების მოხსნის გეგმა

ორშაბათიდან, 27 აპრილიდან საგანგებო მდგომარეობის პირობებში დაწესებული გარკვეული შეზღუდვები იხსნება. როგორც პრემიერ-მინისტრმა გიორგი გახარიამ აღნიშნა, მთავრობას შეზღუდვების გახსნის ექვსი ეტაპი აქვს განსაზღვრული და მათ შორის შუალედი ორი კვირა იქნება. ანუ, საბოლოოდ, ყველა ტიპის შეზღუდვა, რაც საგანგებო მდგომარეობის პირობებშია დაწესებული, დაახლოებით 10-12 კვირა მოიცავს.

მაგალითად, სავაჭრო მოლების, რესტორნების, სასტუმროების, გასართობი და სპორტულ-გამაჯანსაღებელი კომპლექსებისა და სილამაზის სალონების გახსნა, დაახლოებით 6-8 კვირის კვირის შემდეგ იგეგმება.

პირველი ეტაპი (იწყება 27 აპრილს)

• მსუბუქი ავტომანქანებით გადაადგილება
• ტაქსების ოპერირება
• ონლაინ-ვაჭრობა (საბითუმო და საცალო)
• მიტანის მომსახურება ნებისმიერ პროდუქტზე
• ღია ტიპის აგრარული ბაზრების საქმიანობა
• მეორე ეტაპი

მეორე ეტაპი

• მშენებლობა
• სამშენებლო ზედამხედველობასთან დაკავშირებული საქმიანობა
• სამშენებლო მასალის წარმოება
• ავტოსამრეცხაოები და ავტო-სერვისები (სრულად)
• კომპიუტერების, პირადი და საყოფაცხოვრებო საქონლის რემონტი
• სარეკრეაციო ზონების ფუნცქიონირება

მესამე ეტაპი

• საცალო და საბითუმო მაღაზიები, რომლებსაც გააჩნიათ დამოუკიდებელი შესასვლელი ქუჩიდან (გარდა მოლებისა)
• ყველა ტიპის ღია ბაზრობა
• ყველა ტიპის წარმოება
• საგამომცემლო საქმიანობა

მეოთხე ეტაპი

• სავაჭრო მოლები
• ღია ტიპის რესტორნები/კვების ობიექტები
• ყველა ტიპის საფინანსო მომსახურება
• სილამაზის სალონები და ესთეტიკური მედიცინის ცენტრები

მეხუთე ეტაპი

• დახურული ტიპის ბაზრები და ბაზრობები
• ყველა ტიპის რესტორნები/კვების ობიექტები (ადგილზე მომსახურებით)

მეექვსე ეტაპი

• გასართობი, სპორტულ-გამაჯანსაღებელი, შემოქმედებითი საქმიანობა
• აზარტული და სხვა მომგებიანი სათამაშო ბიზნესი
• სასტუმროები
• საგანმანათლებლო დაწესებულებები
• ყველა სხვა საქმიანობა (არადისტანციურ რეჟიმში)

იხილეთ დეტალურად რას გულისხმობს მთავრობის ანტიკრიზისული გეგმა