კახელი პატრული მარტოხელებს ყოველდღე პურით უსასყიდლოდ ამარაგებს
კახეთში, პოლიციელი იოსებ გომურაშვილი მარტოხელა ადამიანებს ყოველდღიურად პურით ამარაგებს. საგანგებო მდგომარეობის პირობებში ის ამ ყველაფერს უსასყიდლოდ აკეთებს. ქველმოქმედების ინიციატორი სამართალდამცველი პატრულ-ინსპექტორად თბილისში წლებია მუშაობს, თუმცა წარმოშობით თელავის რაიონის სოფელ კისისხევიდან არის.
სამართალდამცველს ქველმოქმედების შესახებ საუბარი თავად უჭირს. კისისხევში ყვებიან, რომ მას შემდეგ, რაც ქვეყანაში საგანგებო მდგომარეობა გამოცხადდა, გომურაშვილმა მის საკუთრებაში არსებული პურის საცხობიდან მარტოხელა ადამიანების დაპურება გადაწყვიტა.
სოფელში პური მარტოხელებთან ადგილობრივ ახალგაზრდას მიაქვს. მას AMBEBI.GE ესაუბრა:
"თქვენ ვერ წარმოიდგენთ ყველა როგორი მადლიერი და გახარებულია. მადლიერი და იმედიანი თვალებით გვიყურებენ, ეს ყველაფერი ძალიან ემოციურია. ეს არის სამაგალითო საქციელია პოლიციელის მხრიდან და დასაფასებელი" - ამბობს ვალერი ბოჭორიშვილი.
კორონავირუსის 5 ახალი შემთხვევა ბოლო 24 საათში - უახლესი მონაცემები stopcov.ge-დან
"გულზე ხელი დაიდეთ და თქვით..." - თენგიზ ცერცვაძე განცხადებას ავრცელებს და კრიტიკოსებს პასუხობს
