ახალციხეში კორონავირუსის პირველი შემთხვევა დაფიქსირდა

კორონავირუსის პირველი შემთხვევა დაფიქსირდა ახალციხეში. „ახალციხის კლინიკა იმედში“ მოთავსებულ შუახნის მამაკაცის ანალიზის პასუხები დღეს გახდა ცნობილი.

"ახალციხის კლინიკა იმედში“ საკარანტინო ზონიდან გადმოიყვანეს პიროვნება, რომელსაც ჩაუტარდა კვლევები, გადაგზავნილი იყო ნაცხის ნიმუში ლუგარის ლაბორატორიაში, საიდანაც დღეს დილით მოგვივიდა შეტყობინება, რომ კოვიდინფექციაზე პასუხი იყო დადებითი. აღნიშნული პიროვნება დღეს დილითვე 10 საათისთვის გადაიყვანეს Covid-ის სამკურნალო შესაბამის დაწესებულებაში"- განაცხადა „ახალციხის კლინიკა იმედის“ აღმსარულებელმა დირქტორმა გიორგი ბარძიმაძემ.