ავტორი:

რა ხდება დილით თბილისის შემოსასვლელში, მას შემდეგ რაც 2 დღით დიდ ქალაქებში შესვლა დაშვებულია

რა ხდება დილით თბილისის შემოსასვლელში, მას შემდეგ რაც 2 დღით დიდ ქალაქებში შესვლა დაშვებულია

დღეს და ხვალ, 27 და 28 აპრილს, საგამონაკლისო წესით, თბილისში, რუსთავში, ბათუმში და ქუთაისში შესვლა და გასვლა გარკვეული პირებისთვის დასაშვები იქნება.

შესაბამისად, თბილისის შემოსასვლელში უკვე მრავლადაა ავტომანქანები, რომლებიც რეგიონებიდან დედაქალაქში ბრუნდებიან, ან პირიქით თბილისიდან გადიან იქამდე, სანამ დაშვებულია დიდ ქალაქებს შორის მოძრაობა.

ფოტო: ლიკა ამირაშვილი

კერძოდ, მთავრობის ადმინისტრაციის ინფორმაციით, აღნიშნულ ქალაქებში გადაადგილება ნებადართული იქნება იმ პირებისთვის, რომლებიც გადაადგილდებიან ფაქტობრივ საცხოვრებელ მისამართზე დაბრუნების მიზნით.

"15 აპრილის 21:00 საათიდან აიკრძალა თბილისში, რუსთავში, ბათუმში და ქუთაისში შესვლა და ამ ქალაქებიდან გასვლა. 27 და 28 აპრილს, საგამონაკლისო წესით, დასაშვებია ზემოაღნიშნულ ქალაქებში შესვლა და ამ ქალაქებიდან გასვლა მხოლოდ იმ პირებისთვის, რომლებიც გადაადგილდებიან ფაქტობრივ საცხოვრებელ მისამართზე დაბრუნების მიზნით.

ამ ქალაქებში შესვლა და გასვლა, რეგისტრირებულ მისამართზე დაბრუნების მიზნით, შესაძლებელია ნებისმიერ დროს. სხვა მიზნებით ამ ქალაქებში შესვლა და გასვლა კვლავ აკრძალულია. კომენდანტის საათის მოქმედება რჩება ძალაში" - აღნიშნულია მთავრობის ადმინისტრაციის მიერ გავრცელებულ ინფორმაციაში.

"ზურაბ გურულმა და ეკა კვესიტაძემ ბოდიში უნდა მოიხადონ..." - რას წერს მარინა ეზუგბაია "ფეისბუქზე"

ცნობილია როდის აღდგება გეგმური სტომატოლოგიური მომსახურება

სტიქია საჩხერეში - ძლიერმა სეტყვამ მოსახლეობას ნათესები გაუნადგურა (ფოტოები)