საქართველოში კორონავირუსით ინფიცირების შემთხვევათა რაოდენობა 496-მდე გაიზარდა

საქართველოში კორონავირუსით ინფიცირების შემთხვევათა რაოდენობა 496-მდე გაიზარდა. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული.

მათ შორის გამოჯანმრთელებული - 149 პირია, გარდაცვლილი - 6, კარანტინის რეჟიმშია - 4833, სტაციონარში მეთვალყურეობის ქვეშ კი 571 პირი.

ინფექციური საავადმყოფოს სამედიცინო დირექტორის მარინა ეზუგბაიას თქმით, ახლადდაინფიცირებულთაგან ერთ-ერთი ე.წ თეთრიწყაროს კლასტერიდანაა, ერთი კი ბავშვია. ახალი პაციენტების ჯანმრთელობის მდგომარეობა საგანგაშო არ არის.