ავტორი:

თემურ მიქელაძე: COVID-19 სასუნთქ სისტემას აზიანებს, ხოლო D ვიტამინი იცავს ვირუსული ინფექციის განვითარებისაგან

თემურ მიქელაძე: COVID-19 სასუნთქ სისტემას აზიანებს, ხოლო D ვიტამინი იცავს ვირუსული ინფექციის განვითარებისაგან

ფარმაცევტული კომპანია „არტფარმას“ სოციალური პროექტის „Liveმედის“ ფარგლებში მშობლებს Covid-19-ის და მისი საპრევენციო ზომების აქტუალურობაზე პედიატრი, მედიცინის აკადემიური დოქტორი, პროფესორი თემურ მიქელაძე ესაუბრა.

ონლაინ კონსულტაციის ფარგლებში ცნობილმა პედიატრმა აღნიშნა, რომ ჯანდაცვის მსოფლიო ორგანიზაციის მონაცემებით პანდემია საკმაოდ აჩქარდა და ამასთანავე, გაახალგაზრდავდა. გამომდინარე იქედან, რომ Covid-19 ახალი ვირუსია, ის ჯერ არ არის სათანადოდ შესწავლილი, შესაბამისად არ გვაქვს კონკრეტული ვირუსის სამკურნალო ან საპრევენციო მედიკამენტები.

არსებული ვითარებიდან გამომდინარე, მთავარ ბერკეტად რჩება ჯანმოსა და ეპიდემიოლოგიური სამსახურების რეკომენდაციების გათვალისწინება, რაც მოიცავს ჰიგიენური ნორმებისა და სოციალური დისტანციის რეჟიმის დაცვას. ნებისმიერ ვირუსთან ბრძოლის მნიშვნელოვან ფაქტორს წარმოადგენს ჯანსაღი კვება და ფიზიკური აქტივობა.

2 წლამდე ასაკის ბავშვებისათვის მთავარი რეკომენდაცია ძუძუთი კვებაა, ხოლო მომდევნო ასაკში ბავშვის რაციონი გადანაწილებული უნდა იყოს: 50% ბოსტნეული, 20-30% ხილი, 20% ხორცი და სხვადასხვა ცხოველური საკვები პროდუქტები. პედიატრთა რეკომენდაციებით, არსებულ სტრესულ სიტუაციასთან გასამკლავებლად რეკომენდებულია ბავშვის 10-15 წუთით გარეთ, სუფთა ჰაერზე გაყვანა დღეში 2-ჯერ, თუმცა თუ ბავშვები გადიან გარეთ, უნდა იყვნენ აუცილებლად ზრდასრულის მეთვალყურეობის ქვეშ. ასევე, მნიშვნელოვანია რომ არსებული პანდემიური მდგომარეობის გამო არ მოხდებს ბავშვებში გეგმიური აცრების გადადება.

ჰაერზე ყოფნისა და ჯანსაღი კვების ერთ-ერთი მთავარი მიზანი ბავშვის ორგანიზმში D ვიტამინის გამომუშავებაა, რომელიც უმნიშვნელოვანესი ნუტრიენტია ბავშვის ზრდა-განვითარებისთვის. როგორც მოგეხსნებათ კორონავირუსი და სხვა რესპირაციული ინფექციების გამომწვევი ვირუსები სწორედ სასუნთქ სისტემას აზიანებენ, ხოლო D ვიტამინი ხელს უწყობს სასუნქთი სისტემის იმუნო-ბიოლოგიური აქტივობის მატებას და იცავს ვირუსული ინფექციის განვითარებისაგან.

საერთაშორისო ჯანდაცვის ორგანიზაციების რეკომენდაციებით ახალშობილებს 2 წლამდე უწყვეტად ენიშნებათ D ვიტამინის საპრევენციო დოზა 400 სე, ხოლო მომდევნო ასაკის ბავშვებისთვის წლის განმავლობაში, სეზონურად რეკომენდებული დოზაა 400-800 სე ვიტამინი D3. ასევე, D ვიტამინის დეფიციტი დაკავშირებულია რაქიტისადა სხვა დაავადებების განვითარებასთან.

სარეკლამო განთავსება არ წარმოადგენდა ავტორთან შეთანხმებულ ტექსტს, რის გამოც მოხდა სტატიის ცვლილება.

R

კარანტინის დღიურიდან: რჩევები და ხრიკები იზოლაციით დატანჯულებისა და ჭამის მოყვარულებისთვის

სილქნეტი მომხმარებელს კომუნალური მომსახურებების მიღების უფასო და მარტივ სერვისს სთავაზობს

როცა ნივთიერებათა ცვლა წესრიგშია, იმუნიტეტი მოწოდების სიმაღლეზეა - გაიგეთ რას გვირჩევს ექიმი-ნუტრიციოლოგი ნატა გაგუა