ავტორი:

მოხუცებულთა თავშესაფრებში მცხოვრებთ და შშმ პირებს კორონავირუსზე ტესტირება ჩაუტარდებათ

მოხუცებულთა თავშესაფრებში მცხოვრებთ და შშმ პირებს კორონავირუსზე ტესტირება ჩაუტარდებათ

კორონავირუსზე მასობრივი ტესტირება მოხუცთა თავშესაფრებსა და იმ პანსიონატებშიც ჩატარდება, რომელთა ბენეფიციარები შშმ პირები არიან. ამის შესახებ ჯანდაცვის მინისტრმა ეკატერინე ტიკარაძემ განაცხადა.

„მივიღეთ გადაწყვეტილება, რომ მოწყვლადი ჯგუფები - მოხუცებულთა თავშესაფრები და ისეთი პანსიონატები, სადაც არიან მოთავსებული შშმ პირები - როგორც ბავშვები, ასევე ზრდასრულები, ჩაერთვებიან ტესტირებაში, რომ ამ შემთხვევაში მოხდეს მათი დეტალური შესწავლა და არ მოხდეს შემთხვევით ინფექციის გავრცელება“, - განაცხადა ტიკარაძემ.

მინისტრის თქმით, მზად არიან ამ ჯგუფების ტესტირება ხვალიდან განხორციელდეს.

„რეალურად მზად ვართ, რომ ტესტირება ხვალიდან დავიწყოთ, თუმცა გარკვეული დოკუმენტური პროცედურების დასრულების შემდეგ თარიღს ზუსტად გამოვაცხადებთ“, - განაცხადა ტიკარაძემ.

"სუფთა სახლის" მაღაზიები მუშაობას განაახლებს

კორონავირუსით ინფიცირებული 6 ახალი პაციენტიდან, ორის წყარო დაუდგენელია

"ამერიკის 50-ვე შტატი მოვიარე... ვირუსის პერიოდში შეზღუდვა დიდად არაფერშია" - რას ყვება აშშ-ზე და როგორ ამხნევებს ქართველებს პანდემიის დროს მსოფლიო მოქალაქე