ავტორი:

როგორ მიიღებენ ფულად დახმარებას თვითდასაქმებულები, რომლებიც არსად არიან დარეგისტრირებულნი

როგორ მიიღებენ ფულად დახმარებას თვითდასაქმებულები, რომლებიც არსად არიან დარეგისტრირებულნი

ჯანდაცვის მინისტრის მოადგილის, თამარ ბარკალაის განცხადებით, 15 მაისს ჯანდაცვის სამინისტროს ვებ-გვერდზე გაიხსნება რეგისტრაციის პორტალი თვითდასაქმებულებისთვის. მისივე თქმით, უკვე იდენტიფიცირებულ თვითდასაქმებულებს დახმარების მისაღებად მარტივი პროცედურის გავლა მოუწევთ.

„პირველი კატეგორია ანუ უკვე იდენტიფიცირებული თვითდასაქმებულების შემთხვევაში, ძალიან მარტივი პროცედურა იქნება. 15 მაისის ჯანდაცვის სამინისტროს ვებ-გვერდზე გაიხსნება რეგისტრაციის პორტალი, რომელიც იმუშავებს და ქმედითი იქნება პირველ ივნისამდე და აღნიშნული ადამიანები მხოლოდ ბანკის ანგარიშს ატვირთავენ, ვინაიდან ჩვენთვის უცნობია ამ ადამიანების ბანკის ანგარიში. მხოლოდ ბანკის ანგარიშის ნომრის ატვირთვის შემთხვევაში, ისინი მიიღებენ ერთჯერად დახმარებას 300 ლარის ოდენობით,“- განაცხადა თამარ ბარკალაიამ.

ამასთანავე, მისი განმარტებით, იმ თვითდასაქმებულებს, რომელთა იდენტიფიცირებაც ჯერ არ მომხდარა, რეგისტრაციის პორტალზე, პირადი მონაცემების პარალელურად ეკონომიკური საქმიანობის დამადასტურებელი საბუთის ატვირთვაც მოუწევთ.

„რაც შეეხება თვითდასაქმებულებს, რომლებიც არ არიან რეგისტრირებულები, ამ ადამიანებს ასევე ჩვენი სამინისტროს ვებ-გვერდზე განთავსებულ პორტალზე მოუწევთ პერსონალური ინფორმაციის განთავსება -პირადი ნომერი, საკუთარი სახელი და გვარი და ასევე, რაიმე ტიპის დამადასტურებელი საბუთის ატვირთვა, რომელიც მათ ეკონომიკურ საქმიანობას ან შემოსავალს პირველი კვარტლის განმავლობაში დაადასტურებს. ამ განცხადებების განხილვა მოხდება კომისიური წესით, სადაც ჩართული იქნებიან როგორც ფინანსთა ასევე, ჯანდაცვის სამინისტროს წარმომადგენლები. კომისიური წესით განხილვის შემდეგ მოხდება დახმარებების გადარიცხვა თითოეულ მოქალაქეზე უმოკლეს ვადაში,“ - განაცხადა თამარ ბარკალაიამ.

"სიმშვიდის კუნძული" - რას წერს Washington Post საქართველოში კორონავირუსთან ბრძოლის შესახებ

ბოლნისში, სოფელ მუშევანში კორონავირუსით დაინფიცირების 2 ახალი შემთხვევა გამოვლინდა

"ღვთის ჯილდოა, რომ საქართველო იყოს მართლმადიდებელი" - პატრიარქის ქადაგება ოჯახსა და წმინდა მონიკაზე, რომლის ხსენებაც დღესაა