"არც ერთი კიდური არ ჰქონდა შაქრიანი დიაბეტის გამო" - კორონავირუსით გარდაცვლილი მე-7 პაციენტი 83 წლის მამაკაცია
საქართველოში კორონავირუსით გარდაცვლილი მეშვიდე პაციენტი 83 წლის მამაკაცია. ამის შესახებ "ინტერპრესნიუსს" თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კლინიკური დირექტორმა, ლალი ტურძელაძემ განუცხადა.
მისივე თქმით, პაციენტს მძიმე ქრონიკული დაავადება ჰქონდა.
"ჩვენს კლინიკაში გარდაიცვალა დღეს საღამოს მეშიდე პაციენტი. 83 წლის მამაკაცი ურთულესი ქრონიკული დაავადებებით, არც ერთი კიდური არ ჰქონდა, შაქრიანი დიაბეტის გამო ჰქონდა მოკვეთილი. ერთ-ერთი ყველაზე მძიმე პაციენტი იყო", - განაცხადა ლალი ტურძელაძემ.
ცნობისთვის, საქართველოში კორონავირუსით მეშვიდე პაციენტი ცოტა ხნის წინ გარდაიცვალა. ქვეყანაში ინფიცირებულთა რაოდენობას 566-ია.
კარანტინის რეჟიმშია 5320 ადამიანი, ხოლო სტაციონარში მეთვალყურეობის ქვეშ - 548 პირი.
ინფორმაციისთვის, 566 ადამიანიდან 207 გამოჯანმრთელებულია. ამასთან, უცხოეთიდან სამკურნალოდ გადმოყვანილია საქართველოს 3 მოქალაქე.
საქართველოში კორონავირუსით ინფიცირების შემთხვევები 652-მდე გაიზარდა
"სხვათაშორის, კახეთი, საიდანაც ხათუნაა, ე.წ. მწვანე ზონაა, ჩემი რაჭაც მწვანეა და პაატას გურიაც" - ამირან გამყრელიძე
