"სიმპსონებმა" 1993 წელს კორონავირუსის პანდემია იწინასწარმეტყველეს? - "იაპონიიდან ამერიკაში ვირუსით სავსე ყუთი გაგზავნეს"

პოპულარული ანიმაციური სერიალის, "სიმპსონების“ გულშემატკივრებს სჯერათ, რომ ანიმაციამ კორონავირუსის პანდემია ჯერ კიდევ 1993 წელს იწინასწარმეტყველა.

"სიმპსონებს" ბევრ სხვა წინასწარმეტყველებასაც მიაწერენ, მათ შორის, აშშ-ის პრეზიდენტად დონალდ ტრამპის არჩევას, ჭკვიანი საათების გამოგონებას, მსოფლიოს საფეხბურთო ჩემპიონატის შედეგებს და ა.შ.

როგორც გამოცემა Independent წერს, ანიმაციის სერიაში, სახელად "Marge in Chains" პანდემიაა ნაწინასწარმეტყველები. სერიაში ჩანს, რომ ახალ ამბებში საუბრობენ "ოსაკას გრიპის“ საფრთხეზე, რომელიც აშშ-ში იაპონიიდან გავრცელდა.

ერთ-ერთ სცენაში კი ნაჩვენებია იაპონიის ქარხნის ინფიცირებული თანამშრომელი, რომელიც ახველებს, ვირუსით ბინძურდება ყუთი, ხოლო ამ ყუთს ის ამერიკის შეერთებულ შტატებში გზავნის. შემდეგ კი ჩანს, რომ ადამიანები ავადდებიან.

უნდა აღინიშნოს, რომ რეალურად, კორონავირუსი გაჩნდა ჩინეთის ქალაქ უხანში და არა იაპონიის ქალაქ ოსაკაში და ამის გათვალისწინებით, სიმპსონების პროგნოზი, შესაძლოა, არც ისე ზუსტად ჩაითვალოს, მაგრამ ანიმაციის პერსონაჟების ქცევების მსგავსება დღეს, რეალური პანდემიის დროს, ადამიანის ქცევებთან უდავოდ დიდია.

ნახეთ ფრაგმენტი "სიმპსონებიდან", რომელიც პანდემიაზე გვიყვება:

<iframe width="560" height="315" src="https://www.youtube.com/embed/hqCVB0tOSVQ" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>