ფოთის "ცხელების კლინიკაში" მოთავსებულ 1 წლის ბავშვს კორონავირუსი არ დაუდასტურდა

ფოთის „ცხელების კლინიკაში“ მოთავსებულ 1 წლის ბავშვს ლაბორატორიული კვლევის შედეგად კორონავირუსი არ დაუდასტურდა. ამ დროისთვის სამედიცინო დაწესებულების ბოქსირებულ პალატებში სამი პაციენტი იმყოფება, მათ შორის ერთი მცირეწლოვანია.

"საბედნიეროდ, ერთი წლის ბავშვს „კოვიდ 19" არ დაუდასტურდა. ცხელებითა და რესპირატორული სიმპტომებით ჩვენთან შემოყვანილია სამი პაციენტი : 2 წლის გოგონა ფოთიდან, 63 წლის ქალი ფოთიდან და 57 წლის მამაკაცი ზესტაფონიდან.

იგი ტრაილერის მძღოლია. პაციენტების ბიოლოგიური მასალა დღეს გაიგზავნება ზუგდიდის ინფექციური საავადმყოფოს ლაბორატორიაში. კვლევის შედეგები გვიან ღამით, ან ხვალ გახდება ცნობილი", - განაცხადა ფოთის ჰოსპიტალის დირექტორმა, თეა მიგინეიშვილმა.