ბათუმში კორონავირუსისგან 80 წლის მამაკაცი გამოჯანმრთელდა

აჭარაში, კლინიკა "მედალფა" კორონავირუსისგან გამოჯანმრთელებულმა ორმა პაციენტმა დატოვა. კლინიკის ინფორმაციით, გამოჯანმრთელებულთა შორის არის 80 წლის მამაკაცი, რომლის მდგომარეობაც მძიმე იყო, იგი კორონავირუსისგან სრულად განიკურნა, თუმცა ჯანმრთელობის სხვა პრობლემების გამო, ის სხვა კლინიკაში სამკურნალოდ გადაჰყავთ.

აჭარაში კორონავირუსით სამი ინფიცირებული რჩება, მათ შორის ერთი პირი თბილისიდან დღეს ჩაიყვანეს. კლინიკაში ამბობენ, რომ 61 წლის ქალს კორონავირუსი დედაქალაქში დაუდასტურდ და რადგან აჭარის მკვიდრია - სამკურნალოდ ბათუმში გადაიყვანეს. მათივე ცნობით, 61 წლის ქალი საკარანტინე სივრცეში იმყოფებოდა.

აჭარაში ბოლო 24 საათის განმავლობაში კორონავირუსის საეჭვო ნიშნებით 280 პირი გამოიკვლიეს და არცერთ მათგანს ინფექცია არ დაუდასტურდა.