ავტორი:

ესპანეთში, ხელისუფლების გადადგომის მოთხოვნით, საპროტესტო აქციები იმართება - გახანგრძლივდება თუ არა საგანგებო მდგომარეობა 1 თვით და როგორია ინფიცირებულთა მონაცემები

ესპანეთში, ხელისუფლების გადადგომის მოთხოვნით, საპროტესტო აქციები იმართება - გახანგრძლივდება თუ არა საგანგებო მდგომარეობა 1 თვით და როგორია ინფიცირებულთა მონაცემები

ესპანეთის ხელისუფლება საგანგებო მდგომარეობის გახანგრძლივებას კიდევ ერთი თვით, ივნისის ბოლომდე, გეგმავს, - ამის შესახებ ქვეყნის პრემიერ-მინისტრმა პედრო სანჩესმა განაცხადა.

„ეს ერთადერთი შესაძლო ნაბიჯია,“ - აღნიშნა სანჩესმა პრესკონფერენციაზე და დასძინა, რომ ის პარლამენტს საგანგებო მდგომარეობის დაახლოებით ერთი თვით გახანგრძლივების მოთხოვნით მიმართავს.

პრემიერ-მინისტრის განცხადებას ესპანეთის მოსახლეობის ნაწილმა საპროტესტო აქციებით უპასუხა. ასობით ადამიანი ქუჩებში ქვაბებითა და ტაფებით ხელში გამოვიდა, მთავრობის ანტიკრიზისული მოქმედებები და ქვეყნის ეკონომიკური მდგომარეობის გაუარესება გააპროტესტა და ხელისუფლების გადადგომა მოითხოვა.

ცნობისათვის, ესპანეთში საგანგებო მდგომარეობა 14 მარტს გამოცხადდა.

ესპანეთში, კორონავირუსით სიკვდილიანობის დღიური მაჩვენებელი ორი თვის განმავლობაში პირველად ჩამოსცდა 100-ს. კონკრეტულად კი, ესპანეთის ჯანდაცვის სამინისტროს ინფორმაციით, გასული დღე-ღამის განმავლობაში ვირუსით 87 ადამიანი გარდაიცვალა, რაც 16 მარტის შემდეგ ყველაზე დაბალი მაჩვენებელია. მთლიანობაში, ვირუსს ესპანეთში ამ დრომდე 27 650 ადამიანი ემსხვერპლა.

გარდა ამისა, ესპანეთში გასული დღე-ღამის განმავლობაში კიდევ 1 214 ადამიანი დაინფიცირდა. დადასტურებული შემთხვევების რიცხვმა 230 698 შეადგინა.

ამ დრომდე ესპანეთში 195 000-ზე მეტი ადამიანი ვირუსისგან განიკურნა.

ჩინეთის ელჩი ისრაელში გარდაცვლილი იპოვეს - როგორია წინასწარი ვერსია სიკვდილის მიზეზებზე

"კარანტინის დროს ეზოებში ქეიფობდნენ... ზოგჯერ პოლიციაც მათთან ერთად სვამდა" - რეალურად, რა ვითარებაა რუსეთში, სადაც ვირუსი მასშტაბურად ვრცელდება

ნორვეგიის პრემიერისა და მინისტრების ცეკვა სოციალური დისტანციის დაცვით - როგორ აღნიშნავს ქვეყანა კონსტიტუციის დღეს