საჩხერეში ორი კვირის წინ გაწერილ პაციენტს კორონავირუსი განმეორებით დაუდგინდა

საჩხერის სამედიცინო ცენტრში კორონავირუსის დიაგნოზით ერთი პაციენტი ყავთ. ახალგაზრდა მამაკაცი კლინიკაში რამდენიმე დღის წინ შევიდა და მას კორონავირუსი დაუდასტურდა.

სამედიცინი ცენტრის დირექტორის მიხეილ ქამუშაძის თქმით, ახალგაზრდა მამაკაცის მდგომარეობა დამაკმაყოფილებელია. მისი თქმით, პაციენტი საჩხერელია და მოგზაურობის ისტორია აქვს. ის თვითიზოლაციაში იყო და კონტაქტები არ აქვს.

როგორც ცნობილი გახდა, პაციენტი ორი კვირის წინ მკურნალობდა კლინიკაში, მკურნალობის შემდეგ მას ტესტით ვირუსი აღარ აღმოაჩნდა, რის შემდეგაც გაწერეს და ორკვირიან თვითიზოლაციაში გაუშვეს.

საიზოლაციო პერიოდში პაციენტს კორონავირუსისთვის დამახასიათებელი სიმპტომები გამოუვლინდა, კლინიკაში შემოწმდა და ვირუსი განმეორებით აღმოაჩნდა. ის ამ დროისთვის მკურბალოაბს აგრძელებს.