"საქართველოში არიან ისეთები, რომლებმაც კოვიდ-19 გადაიტანეს და ვერ გაიგეს" - პაატა იმნაძე

დაავადებათა კონტროლის ეროვნული ცენტრის დირექტორის მოადგილის, პაატა იმნაძის განცხადებით, არსებობს ისეთი შემთხვევები, როდესაც ადამიანებმა კოვიდ 19 გადაიტანეს და ვერ გაიგეს.

მისი თქმით, ასეთი საქართველოში დაახლოებით, 10 შემთხვევაა გამოვლენილი.

"ასეთი ადამიანები ნამდვილად იყო. ჩვენ ასეთ ტესტებს დიდი ხანია ვატარებთ, როცა დადასტურებული შემთხვევების კონტაქტებს ვიკვლევთ. მათ ვიკვლევდით არამარტო PCR დიაგნოსტიკით, არამედ ანტისხეულებზეც და "ელაიზა" მეთოდითაც და ეს უფრო დამაჯერებელი პასუხია, რომ ანტისხეულები ნამდვილად კოვიდის წინააღმდეგაა. ასეთი 10-მდე შემთვევა გვაქვს დადასტურებული.

ასევე ტარდება სეროპრევალენტობის კვლევებზეც და ამ შემთვევაშიც, მაქსიმუმ ორი ხელის თითებზე ჩამოსათვლელი დადებითი შემთხვევაა ნაპოვნი. ასეთი ადამიანები, რა თქმა უნდა, არის, ოღონდ ძალიან ცოტა", - განაცხადა პაატა იმნაძემ.