რას ყვებიან 17 წლის გოგონაზე, რომელმაც ახალშობილი ქუჩაში დატოვა
თბილისში არასრულწლოვანმა დედამ ახალშობილი ქუჩაში დატოვა. შემთხვევა გვიან ღამით გლდანულაში მოხდა.
ჩვილი კორპუსთან მისულმა დასუფთავების სამსახურის თანამშრომლებმა იპოვეს და ადგილზე პოლიცია გამოიძახეს. ახალშობილი უკვე გარდაცვლილი იყო.
არასრულწლოვნის დედა კატეგორიულად უარყოფს ინფორმაციას, რომ მისი შვილი ორსულად იყო და გარდაცვლილ ჩვილთან ყველანაირ კავშირსაც უარყოფს.
"არ ვიცი ვინ რა იჭორავა, მაგრამ მოხდა ისე რომ გადავიყვანოთო (განყოფილებაში)... კი ბატონო , წავიყვანოთ და შევამოწმოთმეთქი. სულ ეს იყო. ბევრი ნაჭორავები და ტყუილებია მანდ, მეხუთეკლასელებს რომ ჰკითხეს, აბა რა იქნებოდა?" - ამბობს არასრულწლოვანის დედა "ტვ პირველთან" საუბარში.
"გოგო პოლიციამ გუშინვე გამოუშვა, ქუჩაში იყო დედასთან ერთად... ეს გოგო არაფერ შუაშია, ეგ ზუსტად ვიცი. დედამისი აქ იყო, საშინელ დღეში, თავს მოვიკლავ, რა სიტუაციაში ვარო... ცოდოები არიან, ახალგაზრდა ბავშვია. წაიყვანეს, ექსპერტიზა გაუკეთეს და მოვიდნენ. დამნაშავე რომ იყოს, ვინ გამოუშვებდა? ეს ხომ კრიმინალია?" - ამბობენ მეზობლები "ტვ პირველთან" საუბარში.
როგორც AMBEBI.GE-ს შინაგან საქმეთა სამინისტროს პრესსამსახურში განუცხადეს, მომხდარზე გამოძიება სსკ-ის 112-ე მუხლით მიმდინარეობს, რაც დედის მიერ ახალშობილის განზრახ მკვლელობას გულისხმობს.
"სიფხიზლეში არაჩვეულებივი ადამიანია... ბავშვების შესაშინებლად გამოიყენა იარაღი" - რა ხდება ვარკეთილში, სადაც 45 წლამდე მამაკაცი უმისამართოდ ისროდა
ვარკეთილში, სავარაუდოდ, ნასვამი მამაკაცი კორპუსიდან ისვრის
