"ზოგიერთი ანალიზი აჩვენებს, რომ 100 000-ზე მეტი დაინფიცირებულია" - რას ამბობს სომხეთის პრემიერ-მინისტრი ქვეყანაში შექმნილი სიტუაციის შესახებ

სომხეთის პრემიერ-მინისტრი ნიკოლ ფაშინიანი მიიჩნევს, რომ სომხეთში ახალი კორონავირუსით დაინფიცირებულთა რაოდენობა 100 ათასს აჭარბებს.

"ზოგიერთი ანალიზი აჩვენებს, რომ ჩვენ ქვეყანაში, ამ დროისთვის, 100 000-ზე მეტი დაინფიცირებულია", - წერს "ფეისბუქის“ პირად გვერდზე ფაშინიანი.

ქვეყნის ჯანდაცვის მონაცემებით, დაინფიცირებულთა რაოდენობა სომხეთში ბოლო დღე-ღამის განმავლობაში, 766-ით გაიზარდა, რაც რეკორდულად მაღალი მაჩვენებელია ქვეყანაში პანდემიის პირველი დღიდან. მთლიანობაში, ოფიციალურად, დაინფიცირებულია 13 130 ადამიანი.

გუშინ პრემიერ-მინისტრმა განაცხადა, რომ ქვეყნის ჯანდაცვის სისტემა გადატვირთულია და 200 პაციენტის ჰოსპიტალიზება შეუძლებელია საავადმყოფოებში ადგილების არ არსებობის გამო.