ავტორი:

ნიგერიაში დააკავეს კაცი, რომელმაც 40 ადამიანი გააუპატიურა - მსხვერპლთა შორის უხუცესი 80 წლის, ხოლო ყველაზე პატარა 10 წლისაა

ნიგერიაში დააკავეს კაცი, რომელმაც 40 ადამიანი გააუპატიურა - მსხვერპლთა შორის უხუცესი 80 წლის, ხოლო ყველაზე პატარა 10 წლისაა

ნიგერიელი სამართალდამცველების განცხადებით, მათ დააკავეს მამაკაცი, რომელმაც ერთი წლის განმავლობაში ერთ ქალაქში 40 ადამიანი გააუპატიურა. ამის შესახებ BBC წერს.

"ნიგერიის ჩრდილოეთით მდებარე პატარა ქალაქ დანგორაში მამაკაცი ქალმა იმ დროის გამოიჭირა, როცა ის მისი შვილების საძინებელში იყო", - ამბობს ნიგერიის პოლიციის საზოგადოებასთან ურთიერთობის სამსახურის წარმომადგენელი აბდულა ჰარუნა. აღსანიშნავია, რომ მამაკაცი გაიქცა, თუმცა მეზობლები გაეკიდნენ და დაიჭირეს, რის შემდეგაც პოლიციას გადასცეს.

სამართლადამცველთა თქმით, გაუპატიურებულ ადამიანებს შორის ყველაზე უფროსი 80 წლისაა, ხოლო ყველაზე პატარა 10 წლის.

როგორც BBC წერს, ბოლო პერიოდში ნიგერიაში ქალების მკვლელობებისა და გაუპატიურების შემთხვევების ტალღა დაიწყო, რამაც საზოგადოების აღშფოთება გამოიწვია. ადამიანებმა შექმნეს პეტიცია და ჰეშთეგი #ჩვენდავიღალეთ, რომლის გარშემოც ათასობით ადამიანი გაერთიანდა.

"დანგორას ხალხი ახლა ძალიან ბედნიერია და ვიმედოვნებთ, რომ დამნაშავე სათანადოდ დაისჯება“, - ამბობს ქალაქის ხელმძღვანელი აჰმადუ იაუ.

ადგილობრივების თქმით კი, ბოლო ერთი წელია შიშით ცხოვრობენ და საკუთარ სახლში ყოფნისაც კი ეშინოდათ, რადგანაც იცოდნენ, რომ ქალაქში ცხოვრობდა ადამიანი, რომელიც სახლებში იპარებოდა და ქალებს სერიულად აუპატიურებდა.

"ჩვენ ახლა მშვიდად დაძინება შეგვიძლია“, - ამბობს ქალაქის ერთ-ერთი მაცხოვრებელი.

ძლიერი მიწისძვრა საბერძნეთში - მიწისქვეშა ბიძგების სიმძლავრემ 6,3 მაგნიტუდა შეადგინა

"პერსევარანსმა" მარსიდან ახალი შთამბეჭდავი ფოტოები გამოგზავნა - დაათვალიერეთ "წითელი პლანეტა“

თუ კოსმოსში მოგზაურობაზე ოცნებობთ - იაპონელი მილიარდერი 8 ადამიანს მთვარეზე სამოგზაუროდ ეპატიჟება