ავტორი:

საქართველოსა და 5 სხვა ქვეყნის შემდეგ უკრაინაც - რა სტატუსი მიიღო ქვეყანამ NATO-სგან

საქართველოსა და 5 სხვა ქვეყნის შემდეგ უკრაინაც - რა სტატუსი მიიღო ქვეყანამ NATO-სგან

ჩრდილოატლანტიკურმა ალიანსმა უკრაინა გაფართოებული შესაძლებლობების პარტნიორობის მონაწილედ ცნო. ამის შესახებ ინფორმაცია ალიანსის ვებგვერდზეა განთავსებული.

აღნიშნული სტატუსი ნაწილია პარტნიორობის ინიციატივისა, რომელიც ჯარების თავსებადობას ითვალისწინებს, რომლის მიზანიცაა ნატო-სა და პარტნიორი ქვეყნების მხარდაჭერა და ურთიერთქმედებათა გაღრმავება, რომლებმაც მნიშვნელოვანი წვლილი შეიტანეს ნატო-ს ეგიდით მიმდინარე ოპერაციებსა და მისიებში.

ინფორმაციაში ასევე აღნიშნულია, რომ უკრაინა სამხედროებს გზავნიდა ნატო-ს ოპერაციების მხარდასაჭერად, მათ შორის, ავღანეთსა და კოსოვოში, ასევე ნატოს რეაგირების ძალებისთვის და წვრთნების ჩასატარებლად.

ამასთან დაკავშირებით, ნატო-ს წევრი ქვეყნები მაღალ შეფასებას აძლევენ ამ მნიშვნელოვან წვლილს, რომელიც ადასტურებს უკრაინის მხარდაჭერას ევროატლანტიკური უსაფრთხოებისადმი.

ამიერიდან, უკრაინა როგორც ნატო-ს გაფართოებული შესაძლებლობების პარტნიორი სარგებელს მიღებს სპეციალურად შემუშავებული ინდივიდუალური შესაძლებლობებისგან, რათა მხარდაჭერილი იყოს მისი წვლილი. კერძოდ, ეს ითვალისწინებს პროგრამებზე გაფართოებულ წვდომას ჯარების თავსებადობასთან დაკავშირებით.

ამდენად, უკრაინა გახდა ნატო-ს გაფართოებული შესაძლებლობების მქონე ექვსი პარტნიორიდან ერთ-ერთი ავსტრალიასთან, ფინეთთან, საქართველოსთან, იორდანიასთან და შვედეთთან ერთად.

ვინ არის და რა დამსახურება აქვს გენერალ-მაიორ გიორგი მათიაშვილს, რომელიც დღეიდან საქართველოს თავდაცვის ძალებს უხელმძღვანელებს

ქართველი ძმები აშშ-ს შეიარაღებულ ძალებში - "ოთარ შალიკაშვილის შემდეგ, მეორე ქართველი ვარ ჩემს ნაწილში, ეს ბევრს ნიშნავს ჩემთვის!"

პუტინი ახალი თაობის უნიკალურ რუსულ იარაღზე - "ჩვენ შევძლებთ სასიამოვნოდ გავაოცოთ ჩვენი პარტნიორები"